NDLEA ta kama wata mai tsohon ciki ‘ɗauke da ganyen wiwi’

DAGA MUHAMMAD MUHAMMAD ZAHRADDIN

Hukumar yaƙi da safarar ƙwaya ta Najeriya NDLEA ta ce jami’anta a jihar Rivers, sun kama wata mai juna-biyu ɗauke da ganyen wiwi wanda nauyinsa ya kai kilogiram 34.3.

Ya zama dole Yarbawa su mulki dukkanin sauran kabilun Najeriya a 2023 — Orangun

An kama matar ƴar shekara 29 ne a yankin Okrika na jihar.

Sai dai shugaban hukumar, birgediya janar Buba Marwa mai murabus ya umurci a bayar da belin matar har sai ta haihu, kasancewar cikin nata ya kai wata tara.

Haka nan kuma sanarwar da hukumar ta NDLEA ta fitar ta hannun daraktan yaɗa labaruta Femi Babafemi ta ce an kama wata tsohuwa mai shekara 60 a jihar Oyo da ganyen wiwi mai nauyin kilogiram 5.5.

Toshuwar ta yi bayanin cewa ganyen wanda aka ɓoye a cikin lasifika, ya fito ne daga wurin wata ƴarta da ke zaune a Afirka da kudun.