News
KANO:Kotu ta bada umarnin a kamo dan mai unguwa bisa zargin fasa idon wata amarya
DAGA YASIR SANI ABDULLAHI
Kotun majistare mai namba 25 wadda mai shari’a Halima Wali ke jagoranta ta umarci mai binciken laifuka na ofishin ‘yan sanda da ke Zango a yankin karamar hukumar Ungogo ya gabatar da wani Ibrahim Kwajalawa cikin sa’o’I 24.
Tun farko dai an zargi wasu mutane da laifin fasawa wata amarya Khadija Abdullahi ido yayin bikinta a makon jiya, inda bayan al’amarin ya faru ne ‘yan sanda suka gurfanar da wasu mutane biyu da suka hada da Yahya Adamu, da Salisu Adamu a gaban kotu bisa zargin hada kai da raunata amaryar wanda hakan ya sa ta rasa idota guda daya.
Daya daga cikin ‘yan uwan amarya ta shaidawa kotun cewa, akwai dan gidan mai Unguwar cikin wadanda ake zargi, amma jami’an ‘yan sanda sun sallame shi, duk da cewa shi ake zargi da jagorantar matasan da suka aikata lefin.
Maishari’a Halima Wali, ta umarci ‘yan sanda su kawo dan mai unguwar cikin nan da awa 24 domin yi wa kowa adalci.
Kotun ta aike da sauran mutane biyun zuwa gidan ajiya da gyaran hali, har zuwa lokacin da za a dawo kotun domin ci gaba da sauraron shariar.
Kujerar Mataimakin Gwamna : Jaddada Matsayata Da Kalubalantar MUNAFUKAI
An Kama Dalibai 2 Da Wasu Iyaye Kan Zargin Kirkirar Makin Jarrabawar JAMB
Dakarun Soji Sun Kama Mutum Da Manyan Makamai Da Kayayyakin Ƙera Bama-bamai A Hanyar Kaduna
Mutane 4 Sun Mutu, 53 Sun Jikkata A Sakamakon Hatsarin Mota A Kano
Masarautar Hadejia: Tarihin Shekaru Dari na Turjiyar Hadejia ya Mamayar Yan Mulkin Mallaka — 1906-2026
Muhimmancin sada zumunci – Malam Jafar
“Azumin Sitta Shawwal: Fa’idodi, Sharudda, Da Muhimmancinsa A Musulunci”
Gwamnatin Kano Ta Sanar Da Ranakun Komawa Makaranta
Gwamnatin Tarayya Ta Fitar Da Sunan Mutum 48 Da Ake Zargi Da Ɗaukar Nauyin Ta’addanci
