News

Ku daina karbar tsohuwar Naira – CBN

Published

3 years ago

January 19, 2023

KABIRU BASIRU FULATAN

Facebook
Twitter
Pinterest
LinkedIn
WhatsApp
Copy Link

DAGA MUHAMMAD MUHAMMAD ZAHRADDIN

Babban Bankin Najeriya CBN ya umurci jama’ar kasar da su daina karbar tsoffin kudaden da bankunan kasuwanci ke ba su, saboda ganin lokacin daina amfani da su na kara karatowa.

Mataimakiyar Daraktan Sarrafa kudaden Bankin, Dr. Rekiyat Yusuf ta bayyana haka lokacin da take fadakar da ‘yan kasuwa a birnin Lokoja dangane da sabunta takardun kudin da bankin ya yi.

PSG ta doke Al Nassr 5-4 a wasan sada zumunta.

Yusuf ta ce, bankin nasu ya tanadi hukunci mai tsauri akan bankunan kasuwancin da aka samu suna ci gaba da bai wa jama’a tsoffin takardun kudaden wadanda za su daina aiki daga ranar 31 ga watan nan.

Daraktar ta bukaci jama’a da su gabatar da korafi akan duk wani bankin kasuwancin da ya ci gaba da bai wa mutane tsoffin takardun kudaden ta kafar na’urar ATM, yayin da ta bukace su da gaggauta kai tsoffin kudaden bankin domin sauya musu su.

Jami’ar ta ce babu dalilin da bankunan za su ci gaba da bai wa jama’a tsoffin takardun kudaden domin babban bankin ya yi tanadi na musamman wajen wadata su da sabbin kudaden da aka buga.

Yusuf ta yi bayani akan dalilan da suka sanya bankin sabunta kudaden da suka hada da dakile ayyukan ta’addanci da ayyukan masu garkuwa da mutane da cin hanci a tsakanin al’umma da kuma magance hauhawan farashin kayan masarufi.