PSG ta samu nasarar a wasan farko ba tare da Messi ba

DAGA KABIRU BASIRU FULATAN 

Paris St-Germain ka iya daukar Kofin Ligue 1 idan ta yi nasara a wasa uku nan gaba bayan ta bi Troyes har gida ta doke ta ranar Lahadi.

‘Yan kwallon kungiyar sun mamaye wasan a karawarsu ta farko tun bayan dakatar da kyaftin na Argenitina Lionel Messi.

Da Dumi-Dumi: Gwamnatin Tarayya Ta Rufe Filin Jirgin Saman Abuja 

An dakatar da shi ne sakamakon kai ziyara Saudiyya ba tare da izinin kungiyar ba, ko da yake ya nemi afuwa.

Kylian Mbappe ne ya soma zura kwallo a raga minti takwas da soma wasa sannan Vitinha ya kara ta biyu.

PSG ta dakatar da Messi saboda ya je Saudiyya
Dan wasan Troyes Xavier Chavalerin ya taimaka wa kungiyarsa ta ci kwallo daya, sai dai Fabian Ruiz ya kara wa PSG kwallo guda inda suka tashi 3-1.

Yanzu PSG tana bukatar maki bakwai ne ta lashe Kofin na Ligue 1 karo na 11.

Tana gaban Lens, wadda ke ta biyu a tebirin gasar, da maki shida ko da yake Lens na da sauran wasa hudu da za ta fafata.

Troyes na mataki na 19 don haka ko kanshin kofin ba ta ji.