Yadda Tsohon Minista Ya Jagoranci Tattara Miliyan N50 Kudin Fansa Ga ‘Yan Matan Da Aka Sace 

DAGA YASIR SANI ABDULLAHI 

Tsohon Ministan Sadarwa, Farfesa Isa Ali Pantami, ya jagoranci tallafin tara kudi ga iyayen ‘yan mata shida da aka yi garkuwa da su kwanan nan a gidansu da ke Unguwar Bwari a Abuja, domin ceto sauran ‘ya’yansu mata daga hannun wadanda suka yi garkuwa da su.

LEADERSHIP ta ruwaito cewa, masu garkuwa da mmutanen, sun kashe Nabeeha Al-Kadriyar daliba mai matakin digiri (400, Biological Science) da ke Jami’ar Ahmadu Bello (ABU) da ke Zariya a Jihar Kaduna a ranar Juma’a, yayin da kuma wasu ‘yan uwanta guda biyar – Najeebah da ke matakin digiri (500 Level, Quantity Survey) da Nadheerah da ke matakin digiri (300 Level, Zoology), da sauran ukun da har yanzun ke hannun masu garkuwar, inda suke neman kudin fansa har Naira Miliyan N60m.

Mota ta take wani matashi bayan da ya kwaci wayar wata mata zai tsallaka Titi a jihar Kano

Da yake magana a shafinsa na X (Twitter) a ranar Lahadi, Pantami, wanda malamin addinin Musulunci ne, ya ce, duk da cewa, ba ya goyon bayan biyan kudin fansa ga masu garkuwa da mutane amma tun da har sun kashe Nabeeha, sun kuma yi barazana ga rayukan sauran wadanda ke tsare a wurinsu, hakan ya tilasta dole a nemi mafitar ceto sauran.

Tsohon ministan ya ce, ya yi magana da wani abokinsa, wanda ya ba da gudummawar kudi har Naira miliyan 50 don ceto sauran da ke tsare a wurinsu.

A wani labarin kuma Mota ta take wani matashi bayan da ya kwaci wayar wata mata zai tsallaka Titi a jihar Kano

Babban Bankin Najeriya CBN ya sauya matsayarsa kan hada-hada da kuɗin intanet ko kuma cryptocurrency a ƙasar.

Jaridar Daily Trust ta ruwaito wata sanarwa da bankin ya fitar ranar Juma’a da ke umartar bankunan kasuwanci na Najeriya cewa su yi watsi da haramcin da ya saka kan amfani da kuɗin na crypto tu a 2021.

CBN ya ce yadda ake yayin kuɗin na crypto yanzu a faɗin duniya ya nuna irin buƙatar da ake da ita ta saka dokoki a kan sa.

“A watan Fabarairun 2021 CBN ya haramta wa bankuna da sauran cibiyoyin kuɗi amfani da cryptocurrency saboda almundahanar kuɗi da kuma ɗaukar nauyin ta’addanci,” in ji sanarwar.

“Sai dai kuma, abin da ke faruwa a duniya ya nuna cewa akwai buƙatar a kula da dukiyoyin hada-hada ta intanet wato Virtual Assets Service Providers (V/ASPs).”

Ya ƙara da cewa hukumar kula da hada-hada da hannayen jari za ta fitar dokoki da sharuɗɗan amfani da dukiyoyoin intanet ɗin.

Amma babban bankin ya jaddada haramcin yin kasuwanci, ko kuma mallakar asusun crypto ga bankunan kasuwancin su da kansu