Gobara Da Ta Tashi A Kasuwar Yankatako Dake Kano Ta Kone Shaguna 21

DAGA NUSAIBA ABDULLAHI TUKUNTAWA

Hukumar kashe gobara ta jihar Kano ta ce da sanyin safiya wata gobara ta kone kantuna 21 a kasuwar Yankatako da ke Rijiyar Lemo a karamar hukumar Dala a Kano.

Kakakin hukumar Saminu Abdullahi ya shaidawa kamfanin dillancin labarai na Kasa NAN cewa gobarar ta tashi ne da misalin karfe 02:00 na dare

Tsadar Rayuwa: Matsalolin mu ba daga Allah bane ba – Shehu Sani

A cewar Abdullahi, “Mun samu kiran waya da misalin karfe 02:00 na dare daga Hukumar Sadarwa ta Najeriya, NCC. cewa gobara ta tashi a kasuwar Yankatako.

Abdullahi ya ce shagunan 21 na kunshe ne a bangaren kayan daki na kasuwar.

Ya ce ba a samu asarar rai ba, kuma ana kan binciken musabbabin tashin gobarar.

Daliy Post