News
Mafi Ƙarancin Albashi: Duk Ma’aikatar Da Ta Ke Biyan Ma’aikata Ƙasa Da N70,000 Za Ta Ɗanɗana Kuɗar Ta —Gwamnatin Tarayya
DAGA NUSAIBA ABDULLAHI TUKUNTAWA
Gwamnatin tarayya ta gargadi ga ma’aikatu masu zaman kansu da su dena biyan ma’aikata albashi ƙasa da sabon mafi karancin albashi na N70,000.
Jaridar DAILY NIGERIAN ta ruwaito cewa Babban sakatare na ma’aikatar kwadago da samar da ayyukan yi ta tarayya, Alhaji Ismaila Abubakar, ne ya yi wannan gargadin a jiya Laraba, a jihar Legas, yayin da ya ke jawabi a wajen taron shekara-shekara na kungiyar ma’aikata ta ma’aikatu masu zaman kansu na Najeriya karo na 13.
Abubakar, wanda Darakta mai kula da ayyukan yi da albashi na ma’aikatar ,John Nyamali ya wakilta, ya ce yanzu haka mafi ƙarancin albashi ya zama doka.
Ya ce: “A yanzu mafi karancin albashi ya zama doka, saboda haka, laifi ne kuma hukunci na nan ga duk wata ma’aikata da ta ke biyan ma’aikata kasa da N70,000 na mafi ƙarancin albashi.
“Ma’aikatu masu zaman kansu su wajabta wa kan su a wajen duk wata kwangila da za su karba daga hannun wasu cewa kada ma’aikatansu su rika samun kasa da mafi karancin albashi. Ma’aikaci ya kamata ya rika daukar N70,000 mafi ƙarancin albashi bayan an yi duk wasu cire-cire na haraji,” in ji shi.
Kwankwaso Ya Shiga Jam’iyyar NDC
Dr. Muhammed Musa Zango Ya Kaddamar Da Neman Takarar Sanatan Kano Ta Tsakiya A Jam’iyyar APC
Kwankwaso Ya Ce Bai Yanke Shawara Kan Makomar Siyasarsa Ba Har Yanzu
Gwamnatin Tarayya Ta Ci Gaba Da Aikin Titin Kano-Gwarzo-Dayi Sakamakon Biyan Diyya Da Gwamnatin Abba Ta Yi
Kamfanonin Bada Bashi Ne Suka Cire N1.5bn Daga Albashin Ma’aikatan Kano — SSG
Gwamnatin Tarayya Ta Fitar Da Sunan Mutum 48 Da Ake Zargi Da Ɗaukar Nauyin Ta’addanci
WAI ME GARO YA YI NE?
Wata Motar Jigilar Fasinja Mai Amfani Da CNG Ta fashe A Kaduna
JAMB Ta Sanya Ranar Da Za A Fara Jarabawar UTME Ta 2026
