‎Mazauna Garuruwan Alazawa Da Gazan Sun Gudanar Alkunutu Bisa Matsalolin Da Suka Dabaibaye Yankin

‎Mazauna garuruwan Alazawa da Gazan da ke karamar hukumar Kiru a Jihar Kano sun dukufa cikin addu’o’i da sallar Alkunutu, suna neman taimakon Allah bisa matsalolin da suka dabaibaye su.

‎A cewar mazauna yankin, matsalar rashin hanyoyi da rushewar gadoji guda uku sun jefa su cikin mawuyacin hali, inda zirga-zirga ta zama mai wahala.

‎Mazauna Garuruwan Alazawa Da Gazan Sun Gudanar Alkunutu Bisa Matsalolin Da Suka Dabaibaye Yankin

Baya ga haka, babu asibiti da zai kula da marasa lafiya, yayin da makarantu na firamare da sakandire suka lalace, lamarin da ke barazana ga ilimin ‘ya’yansu.

‎Dalilin haka ne ya sa su ka gudanar da addu’o’i, suna rokon Allah ya karkato da zukatan shugabanni don su kawo musu dauki tare da aiwatar da ayyukan da za su rage musu radadin wahalar da suke ciki.

‎EXPRESS RADIYO ta ruwaito cewa Mazauna yankin sun bukacin Gwamnatin jihar da masu ruwa da tsaki da su gaggauta daukar mataki domin inganta rayuwar al’ummar yankin.