An Tsinci Gawar Ministan Da Putin Ya Kora

An tsinci gawar tsohon ministan sufurin kasar Rasha, Roman Starovoyt, ‚yan sa’o’i kaɗan bayan da Shugaba Vladimir Putin ya sauke shi daga mukaminsa.

Jami’ai sun ce an same shi da harbin bindiga a cikin motarsa a wani yanki na birnin Moscow a wannan Litinin. Hukumar bincike na musamman ta Rasha ta ce ana zargin tsohon jami’in ya kashe kansa.

An Tsinci Gawar Ministan Da Putin Ya Kora

Starovoyt mai shekara 53 ya zama ministan sufuri a watan Mayun bara, bayan ya shafe wasu shekaru a matsayin gwamnan yankin Kursk da ke yammacin Rasha. Gwamnatin Putin ba ta bayyana dalilin sauke shi daga mukamin ba.

Mutuwar tsohon ministan na zuwa ne a daidai lokacin da ake zargin magajinsa a kujerar gwamnan Kursk, Alexei Smirnov, da aikata almundahana.

DW