News
Dakarun Soji Sun Ceto Fasinjoji 21 Da Yan Bindiga Suka Yi Garkuwa Da Su A Kogi
Jami’an tsaro a jihar Kogi sun kubutar da fasinjoji 21 da ’yan bindiga suka yi garkuwa da su, bayan harin da aka kai kan motoci da dama a manyan hanyoyin jihar. A yayin harin, jami’an tsaro biyu — soja guda ɗaya da wani mai sa kai — sun rasa rayukansu.
Rahotanni sun bayyana cewa kusan ’yan bindiga 100 ne suka tare jerin motocin fasinja, ciki har da Toyota Sienna daga Oshogbo zuwa Kaduna, Toyota Hiace daga Owo zuwa Abuja, wata Hiace daga Abuja zuwa Ekiti, da Toyota Carina daga Lokoja zuwa Kabba.
Hakanan, wata motar Dangote mai ɗauke da buhunan siminti da wata motar J5 cike da barkono daga Kano zuwa Lagos sun tsinci kansu cikin harin.
Lamarin ya faru ne da misalin ƙarfe 2:00 na rana, inda fasinjoji suka shiga firgici, wasu daga cikinsu kuma aka yi ƙoƙarin yin garkuwa da su.
Rundunar haɗin gwiwa ta musamman wadda ta ƙunshi Sojojin Brigade ta 12, sashen Quick Response, jami’an NSCDC, da mafarauta da masu sa kai, ta bi ’yan bindigar cikin daji. An yi musayar wuta mai zafi, lamarin da ya kai ga ceto mutum 21 — ciki har da jaririya ’yar kwana tara a duniya.
Jami’an Ƴansanda Sun Kama Wani Mutum Da Wayoyin Sata Guda 36
Akwai Yiwuwar Ƙara Kuɗin Kiran Waya Da Aika Saƙo A Najeriya
Gwamnatin Tarrayya Ta Musanta Shirin Soke NBAIS
Ƙungiyar Tsofaffin Dalibai Ta Nemi A Gaggauta Sake Buɗe Unity College Karaye Aka Rufe Sama Da Shekaru Uku
An Kama Mutum Takwas Saboda Yada Labaran Karya A Najeriya
Cutar Kwalara Ta Hallaka Akalla Mutum 74 A Borno
ICPC Ta Yi Barazanar Daurin Shekaru 7 Ga Masu Yiwa Baki Rajistar NIN A Matsayin Yan Najeriya
Jam’iyyar ADC Ta Yi Watsi Da Cire Ta Daga Rijista, Ta Sha Alwashin Kalubalantar Hukuncin Kotu
Hayar Jirage Hadi Sirika Ya Dakko Daga Habasha Don Damfarar Yan Najeriya Da Sunan “Nigeria Air” — Shaida
