News
Jirgin Sama Ya Yi Hatsari A Imo
Mutane hudu sun tsira daga mutuwa bayan wani ƙaramin jirgin sama ya yi hatsari a Filin Jirgin Sama na Sam Mbakwe da ke Owerri, a Jihar Imo, a daren Talata.
Jirgin ƙirar Cessna 172, mallakin kamfanin Skypower Express, ya fuskanci matsala ne da misalin karfe 6:58 na yamma, yayin da yake ƙoƙarin sauka a Runway 17, in ji Hukumar Binciken Tsaron Sufuri ta Najeriya (NSIB).
A cewar Daraktar Hulɗa da Jama’a ta NSIB, Bimbo Oladeji, jirgin na kan hanyarsa ne daga Kaduna zuwa Port Harcourt, kafin matukan jirgin su ayyana gaggawa tare da karkata zuwa Owerri.
Bayan samun kiran neman taimako, jami’an tsaro na filin jirgin sama da ma’aikatan agajin gaggawa sun isa wurin cikin hanzari, inda suka ceto duk mutanen da ke cikin jirgin.
Rahoton ya ce duk mutanen da ke cikin jirgin ma’aikatan jirgin ne. Biyu daga cikinsu na cikin koshin lafiya, yayin da sauran biyun da suka suma a farko aka kai su asibiti domin duba lafiyarsu.
NSIB ta tabbatar da cewa ta fara bincike kan musabbabin lamarin, tare da bayyana cewa za ta sanar da jama’a duk wani sabon bayani da aka samu.
Gwamnatin Bauchi Ta Musanta Rahoton Kayyade Sadakin Budurwa zuwa ₦3,000 Da Na Bazawara Zuwa ₦1,500
Dakarun Soji Sun Cafke Jami’insu Kan Zargin Kai Wa ‘Yan Ta’adda Kayan Aikin Soji
An Dakatar Da Malamai A Polytechnic Kan Zargin Sayar Da Handout
Jami’an NDLEA Sun Kama Miyagun Ƙwayoyi Da Darajarsu Ta Kai Naira Biliyan 10 A Legas
Trump Ya Dakatar Da Kai Wa Iran Hari Saboda Karancin Makamai — Rahoto
Hukumar Kula Da Harkokin Shari’a Ta Tilasta Wa Alƙali Ritaya Kan Zargin Karɓar Cin Hancin Naira 250,000 A Kano
Ƴansanda Sun Kama Ɗan Basarake Bisa Zargin Kona Wani Mutum Kan Zargin Satar Itacen Girki
Jigawa: Sama da Gine-gine 200 Sun Lalace Sakamakon Iska Da Ruwan Sama Mai Ƙarfi
Wasu Fusatattun Matasa Sun Hallaka Wani Mutum Tare Da Kona Gawarsa Kan Zargin Satar Babur A Kano
