‎China Ta Zartar Da Hukuncin Kisa Kan ‘Yan Yahoo-yahoo 11 ‎

Kasar China ta zartar da hukuncin kisa kan wasu mutane 11 dake da alaka da kungiyoyin ‘yan daba, wadanda suka kware wajen zamba cikin aminci ta hanyar amfani da wayoyin hannu da kuma intanet.

Wannan hukunci ya shafi ‘yan kungiyar laifuka ta Ming, wadanda suka yi suna wajen damfara ta wayoyin hannu da intanet, gudanar da cibiyoyin zamba, hada-hadar miyagun kwayoyi da ayyukan bata gari a Myanmar.

‎‎China Ta Zartar Da Hukuncin Kisa Kan ‘Yan Yahoo-yahoo 11 ‎

Daga cikin wadanda aka hukunta akwai Ming Guoping da ‘yar jikinsa Ming Zhenzhen. Sun kasance manyan shugabanni a wasu cibiyoyin zamba masu ma’aikata kusan 10,000.

Wani tsohon dan majalisar kasar, Ming Xuechang, ya kashe kansa a gidan yari kafin hukunci, yayin da sauran ‘yan kungiyar suka gamu da hukuncin bayan iyalansu sun samu damar ganinsu a karo na karshe.

Hukuncin ya biyo bayan shekaru na koke-koke daga iyalan wadanda suke safarar da kuma kulawar kafafen yada labarai na kasa da kasa, kafin hukumomin Beijing su karye cibiyoyin kungiyar a 2023.

Hukumomi sun bayar da umarnin kama ‘yan kungiyar tun a watan Nuwamba, 2025, tare da lada ga duk wanda ya taimaka wajen kamo su, tsakanin $14,000 zuwa $70,000.

PEOPLE GAZETTE