Kano Ta Haska Domin Ramadan: Maltina Ta Kaddamar da Shirin “Light-Up” Don Ƙarfafa Haɗin Kan Al’umma

Birnin Kano dake arewacin Najeriya ya haskaka da fitilu na musamman domin maraba da watan Ramadan, bayan da kamfanin Maltina ya kaddamar da wani sabon shiri mai suna Ramadan Light-Up.

‎An gudanar da bikin kaddamarwar ne a harabar Emir Palace da ke Kofar Nassarawa, inda jami’an gwamnati da shugabannin al’umma da mazauna birnin suka halarta.

‎Federico agressi “Daraktan Fasaha”  ya ce  shirya shirin manufarsa ita ce nuna muhimmancin watan Ramadan a matsayin lokaci na ibada, tunani, da haɗin kai tsakanin al’umma, musamman ta hanyar lokutan buɗe baki tare.

‎Sun kuma bayyana cewa fitilun da aka kunna za su ci gaba da haskakawa a tsawon watan azumi, domin zama wata alama ta maraba da watan da kuma haɗin kan jama’a.

‎

‎Ya kara da cewa an ƙaddamar da shirin ne a daidai lokacin da Maltina ke bikin cika shekaru 50 da kafuwa, inda suka bayyana Ramadan a matsayin lokaci mai muhimmancin al’adu da ruhaniya, musamman ga al’ummar Kano.

‎A cewarsu, shirin wani ɓangare ne na kamfen mai taken “Nourishment Fit for Ramadan”, wanda ke ƙarfafa muhimmancin abinci mai gina jiki da lokutan buɗe baki tare.

‎

‎Mataimakin Gwamnan Jihar Kano, Kwamared Aminu Abdussalam Gwarzo wanda Shugaban Kasuwar Kwari Hamisu Sa adu DoganNama ya wakalta ya ce yace gwamnatin jahar kano tana matukar alfahari da kamfanin baltina kasancewar yanda yake samar da aikin yi ga matasa a fadin jahar

‎kuma yace gwamnatin jahar kano tana matukar godiya da kamfanin maltina ya zabi jahar kano domin gudanar da wannan lamari

‎

‎ Mai martaba sarkin kano sarki Muhammadu Sanusi II Wanda walin Kano  bashir Mahe ya Wakila ya ce ya bayyana cewa yana matukar alfahari yanda kamfanin ke raya al’adu da martabar jahar kano a koda yaushe kuma ya yaba da irin haske da suka saka a fadin jahar kano

‎hakazalika yace abin alfahari ne yanda kamfanin yake samarwa da matasa aiki tare da kuma haɓaka al’adu na jahar kano a kodayaushe.

‎Jami’an gwamnati sun ce haɗin gwiwar da aka samu tsakanin ɓangaren gwamnati da kamfanoni masu zaman kansu na taimakawa wajen ƙarfafa zamantakewar al’umma da samar da shirye-shirye da ke haɗa jama’a cikin lumana.

‎Wasu daga cikin mahalarta taron sun ce irin wannan shiri na ƙara jaddada muhimmancin haɗin kai da tausayi a tsakanin al’umma, yayin da wasu malaman addini suka ce duk wani abu da ke ƙarfafa zaman lafiya da taimakon juna ya dace da ruhin watan Ramadan.

‎

‎Kamfanin ya kuma taya al’ummar Musulmi murnar watan Ramadan tare da yi musu fatan zaman lafiya.

‎Shirin na daga cikin ayyukan hulɗa da al’umma da kamfanin  ke tallafawa domin girmama lokutan al’adu da ke da muhimmanci a ƙasar.