Siyasa Ce Ta Fi Dacewa Da Malamai Ba Kamasho Ba —Malam Ibrahim Khalil

Sheikh Ibrahim Khalil, fittacen malamin addinin Musulunci kuma shugaban majalisar malamai a Kano, ya bayyana cewa ya fi dacewa malamai su shiga harkokin siyasa maimakon ci gaba da zama cikin abin da ya kira “kamasho” a halin yanzu.

Malamin ya bayyana hakan ne a wata tattaunawa da ya yi da Matashiya TV, inda ya jaddada cewa tun tarihi malamai su ne suka kasance a matsayin shugabannin al’umma.

Jami’an ‘Yansanda Sun Kama Mutane 4 Da Ake Zargi Da Fashi Da Makami A Kaduna

A cewarsa, kasancewar malamai suna da ilimi da fahimtar al’amuran rayuwa, ya kamata su taka rawar gani a siyasa domin ba da gudunmawa wajen inganta shugabanci.

“Bai dace malamai su zama ‘yan kamasho kamar yadda ake gani a yanzu ba. Siyasa ita ce hanya mafi dacewa da za su bi domin kawo gyara a al’umma,” in ji shi.

Ya kuma kara da cewa shigar malamai cikin siyasa na iya taimakawa wajen samar da shugabanci nagari da kuma ci gaban kasa.