Dan wasan tsakiyar Sfaniya da Barcelona Sergio Busquets ya sanar da cewa ya yi ritaya daga buga wa kasarsa kwallo.
Mai shekaru 34 ya ci kofin duniya a 2010 da kuma kofin nahiyar Turai a 2012, kuma shi ne kyaftin din kasarsa a Qatar 2022 kafin Maroko ta cire su a zagayen kasashe 16.
”Bayan shekaru 15 da wasanni 143, lokaci ya yi da zan yi bankwana da buga wa kasata kwallo”, in ji Busquets, kamar yadda ya rubuta a shafukansa na sada zumunta.
Ya kara da cewa abun alfahari ne da na wakilci kasata na kuma taimaka mata ta kai babban mataki.”
