INEC ta gargaɗi masu son sayen ƙuri’u a zaɓukan Najeriya na 2023

DAGA MARYAM BASHIR MUSA 

Hukumar zaɓe mai zaman kanta a Najeriya ta ja kunnen ƴan ƙsar da su guji saye da sayar da ƙuri’a a yayin zaɓukan da ke tafe a farkon shekarar 2023.

Jaridar Daily Post ta intanet da ta ruwaito INEC a yau, ta ce duk wanda aka kama da laifin zai fuskanci ɗaurin shekara guda a gidan yari da kuma biyan tarar naira 500,000.

Sojoji uku sun mutu bayan da jirginsu ya kama da wuta a Nijar

Wannan gargaɗi na zuwa ne bayan koke-koken da jama’a suka yi na zargin cewa ƴan siyasa na son sayen ƙuri’u a zaɓukan da ke tafe.

INEC na cikin matsin lambar ganin ta gudanar da sahihin zaɓe marar maguɗi da hana sayen ƙuri’un mutane – wanda yana cikin dalilan da suka sa babban bankin ƙsar ya ce ya ɗauki matakin sauya kuɗaden naira da rage yaɗuwar sabbin kudin don hana wannan ta’asa.