Madrid ta ɓarar da damar hawa teburin Laliga bayan shan kashi a hannun Villareal

DAGA MUHAMMAD MUHAMMAD ZAHRADDIN

Kungiyar kwallon kafa ta Real Madrid ta ɓarar da damar hawa teburin gasar Laliga bayan doke ta da ci 2-1 da Villareal ta yi a wasan mako na 16.

Villareal ce ta fara cin kwallo ta hannun ɗan wasan ta Yeremy Pino mintuna ƙaɗan bayan dawowa daga hutun rabin lokaci.

Sai dai Madrid ta samu nasarar farke kwallon ta hannun Karim Benzema a bugun fenariti ana minti 60.

Daga bisani ne kuma ɗan wasan Villareal Gerard Moreno ya saka su a gaba a bugun daga fenariti bayan da kwallo ta daki hannun dan wasan bayan na Real Madrid, David Alaba.

Wannan sakamako na nufin har yanzu Madrid na a mataki biyu ne na teburin gasar Laliga maƙi ɗaya da Barcelona wadanda za su fafata da Atletico Madrid a gobe Lahadi.