Gobara ta tashi a kasuwar Gamboru da ke Maiduguri

Wata gobara ta tashi a kasuwar gamboru da ke tsakiyar birnin Maiduguri a jihar Borno da ke arewa maso gabashin Najeriya.

Rahotonni sun ce gobarar ta ta shi ne da tsakar ranar Asabar lokacin da ake tsaka da kaɗa ƙuri’a a zaɓen gwamnoni da na ‘yan majalisun dokokin jihohi da ake gudanarwa a faɗin ƙasar.

Dole ne a baiwa mata Ilimin Domin Canja Rayuwarsu –Hauwa Wali

Kawo yanzu babu rahotonni rasa rai sakamakon wannan gobara da ta tashi a kasuwar ta kayan abinci a jihar.

Kuma har yanzu ba a kai ga sanin takamaimen abin da ya ya haifar da gobarar ba.

Idan ba a manta ba dai makonni uku da suka gabata wata gobara da ta tashi a kasuwar Monday market a birnin na maiduguri ta yi sanadiyyar asarar miliyoyin dukiyoyi.

A jihar Kano ma an fuskanci gobara a kasuwanni da dama a ƴan kwanakin nan.