News
An Nada Sabon Kwamishinan ’Yan Sandan Kano Da Wasu guda sha daya
Hukumar Aikin Dan Sanda ta nada sabon kwamishinan ’yan sandan jihohin Kano da Kaduna da wasu jihohi 10.
Hukumar ta yi sauyin ne a shirye-shiryenta na tabbatar da tsaro gabanin ranstar da sabuwar gwamnati da ke tafe ranar 29 ga watan Mayu mai kamawa.
Ma’aikatan NPC Sun Gudanar Zanga-Zanga Kan Wani Zargi Da Suke Yi A Kano
Hakan kuwa na zuwa ne makonni kadan bayan karin girma da kwashinonin ’yan sandan jihohin suka samu karin girma zuwa matsayin Mataimakin Sufeto-Janar.
A kan haka ne ta turo Mohammed Usaini Gumel a matsayin sabon Kwamishinan ’Yan Sanda na Jihar Kano.
Sauran jihohin da aka tura wa sabbin Kwamishinonin ’Yan Sanda su ne:
ABUJA: Haruna Gabriel Garba.
KADUNA: Garba Musa Yusuf.
ZAMFARA: Garba Ahmed.
SAKKWATO: Hayatu Kaigama Ali.
KATSINA: Aliyu Musa.
YOBE: Mohammed Nuni.
BINUWAI: Julius A. Okoro.
DELTA: Tajudeen A. Abass.
OGUN: Oladimeji Yomi Olarewaju.
ONDO: Taiwo Jesubiyi.
BAYELSA: Romokere Ibiani.
Da yake jawabi bayan sanar da nadin sabbin kwamishinonin, shugaban hukumar aikin dan sanda, Solomon Arase, ya bukace su da su kasance masu sadaukarwa a yayin gudanar da aikinsu.
Arase, wanda tsohon Sufeto-Janar na ’Yan Sandan Najeriya ne, ya jaddada cewa aikin ke gaban sabbin kwamishinonin ’yan sandan, musamman a wannan lokaci na sauyin gwamnati yana bukatar kishin kasa da bullo da sabbin dabaru da kuma jajircewa.
Don haka ya umarce su da su gaggauta komawa sabbin wuraren aikinsu su shirya wa aikin da ke gabansa.
Ya kara da cewa hukumar za ta rika sanya ido a kansu domin tabbatar da ganin cewa, su da jami’ansu ba su yi sakaci ko wuce gona da iri wajen gudanar da aikinsu ba.
Rashin Alfanun Kafa ’Ƴansandan Jihohi Ya Fi Fa’idodinsu Yawa — Farfesa Fagge
Dakarun Soji Sun Cafke Wanda Ake Zargi Da Ta’addanci, Sun Ƙwato Makamai A Kano
Gwamnonin Najeriya Sun Nemi Karin Karfin Iko A Tsarin Samar Da Yan Sandan Jihohi
Jamhuriyar Nijar Ta Miƙa Buƙatar Ficewa Daga Kotun Hukunta Manyan Laifuka Ta Duniya ICC
Iran Ta Ayyana Hutun Kwanaki Uku A Tehran Domin Jana’izar Ali Khamenei
Cutar Kwalara Ta Hallaka Akalla Mutum 74 A Borno
ICPC Ta Yi Barazanar Daurin Shekaru 7 Ga Masu Yiwa Baki Rajistar NIN A Matsayin Yan Najeriya
Jam’iyyar ADC Ta Yi Watsi Da Cire Ta Daga Rijista, Ta Sha Alwashin Kalubalantar Hukuncin Kotu
Hayar Jirage Hadi Sirika Ya Dakko Daga Habasha Don Damfarar Yan Najeriya Da Sunan “Nigeria Air” — Shaida
