News
Gwamnatin Tarayya ta dakatar da kamfanin jiragen sama na Max Air daga zirga-zirga nan take.
Hukumar kula da sufurin jiragen sama ta kasa NCAA ta dakatar da kamfanin jiragen sama na Max Air daga zirga-zirga nan take.
Cikin wata wasika da daraktan hukumar, Kyaftin Ibrahim Bello Dambazau ya aikewa kamfanin, ya ce an dakatar da ayyukan kamfanin saboda matsalolin da ake samu da jiragen kamfanin samfurin Boeing BB737.
Kotu ta umurci hukumar DSS da ta gurfanar da Emefiele ko kuma ta saki shi cikin kwanaki bakwai
Daraktan ya ce hukumar ta kafa kwamitin bincike da za su tantance ingancin jiragen saboda ba za a kyale kamfanin ya ci gaba da amfani da jiragen Boeing 737 ba har sai bayan kammala binciken.
Ya ce daga matsalolin akwai lalacewar tayar jirgin na Max Air da ya tashi daga Yola zuwa Abuja da kuma gurbatar mai da aka samu a wani jirgin irinsa da ya haddasa wutar lantarkin jirgin ta ki aiki a filin jirgin saman Yola a ranar 7 ga Mayun 2023.
Haka kuma injin wani jirgin nasu na 737 ya sami matsalar daukar zafi a ranar 11 ga Yulin 2023 a tashar jiragen saman Malam Aminu Kano, abinda ya sa jirgin ya kasa tashi.
Sai kuma saukar gaggawa da wani 737 din ya yi a filin jirgin saman Nnamdi Azikiwe dake Abuja saboda daukar zafi a mazaunin matukin jirgin a ranar 11 ga Yulin 2023.
Tirela Ta Kife A Gadar Lado Da Ke Kano
Idan Har Kalashnikov Ya Yi Nadamar Kirkirar AK-47, Najeriya Ma Za Ta Iya Dakile Tashin Hankalin Siyasa
Iran Ta Mayar Da Martani Ga Masu Shiga Tsakani Na Pakistan Kan Shawarar Amurka Ta Kawo Ƙarshen Yaƙi
An Ci Tarar Ɗan Najeriya Da Matarsa Dala Miliyan 1 Kan Sare Bishiyoyi Ba Bisa Ka’ida Ba A Amurka
Kuskuren Harin Dakarun Sojin Sama Ya Sake Hallaka Tarin Fararen Hula A Neja
Gwamnatin Tarayya Ta Fitar Da Sunan Mutum 48 Da Ake Zargi Da Ɗaukar Nauyin Ta’addanci
Shekara Kwana: Shekaru 24 Kenan Da Hatsarin Jirgin Sama A Unguwar Gwammaja Dake Jihar Kano
Wasu Ƴan Daba Sun Kai Farmaki Kasuwar Siyar Da Wayoyi Ta Farm Center Dake Kano
Wasu Fusatattun Matasa Sun Ƙona Mutum Uku Har lahira A Filato
