Ƴan bindiga sun yi awon-gaba da ɗalibai huɗu na jami’ar jihar Nasarawa

DAGA YASIR SANI ABDULLAHI

Ƴan bindiga sun yi awon-gaba da ɗalibai huɗu na jami’ar jihar Nasarawa da ke garin Keffi.

Bayanai sun nuna cewa an sace ɗaliban ne ranar Talata a lokacin da wasu ƴan bindiga suka kai samame a gidajen kwanansu da ke Anguwar Kare, a karamar hukumar Keffi.

An ɗaure ƴar TikTok kan cin mutuncin shugaban ƙasa

Jami’in hulda da jama’a na rundunar ƴan sanda a jihar, DSP Ramhan Nansel, ya tabbatar da lamarin a wata tattaunawa ta wayar tarho.

Ya ce da sanyin safiyar Talata ne rundunar ƴan sanda a jihar ta samu kiran gaggawa cewa wasu ƴan bindiga sun kai hari a wani gida a Anguwar Kare.

“Rundunar tana sane da sace mutanen da aka yi da misalin karfe 12:55 na dare yayin da aka samu rahoton cewa wasu ‘yan bindiga da ba a san ko su wane ne ba suka mamaye wani gida da ke Anguwar Kare, Keffi,” inji Nansel.

Kokarin da aka yi na bin sawun wadanda suka aikata laifin ya ci tura amma an fara farauta domin kuɓutar da ɗaliban, in ji kakakin ‘yan sandan.

A wani labarin kuma An ɗaure ƴar TikTok kan cin mutuncin shugaban ƙasa

Gwamnatin tarayya ta ce yanzu haka shirye-shirye sunyi nisa domin sauya akalar motoci har milyan 10 masu amfani da man fetir zuwa amfani da Gas nan da watanni 36 masu zuwa.

Karaminin ministan Mai, Ekperikpe Ekpo ne ya baiyana haka a yayin baje kolin mai da iskar gas na shekarar bana wanda ake gudanarwa a birnin Abu Dhabi na hadaddiyar daular larabawa.

A wata sanarwa da kakakinsa Louis Ibah ya fitar, ya baiyaan cewar a yanzu haka anyi kawance da kanfanoni masu zaman kansu domin kawo kayayyakin da za’a yi amfani dasu wajen sauya akalar motocin nan da watanni 9 masu zuwa.

Ya ce matakin wani yunkuri ne na inganta yin amfani da Gas a tsakanin motocin kasar a maimakon Man fetir da suka dogara dashi.