Sake Fasalin Kudi Da Gwamnatin Da Ta Shude Tayi Ya Durkusar Da Harkar  Manoma A Najeriya

DAGA YASIR SANI ABDULLAHI

Gwamnatin tarayya ta ce tsarin sake fasalin takardar naira da gwamnatin da ta shude tayi ya sanya manoma cikin matsalar durkushewa.

Batun sake fasalin naira ya taso ne a zauren majalisar a lokacin da ministan noma da samar da abinci, Sanata Abubakar Kyari, ya fito domin kare kasafin kudin ma’aikatar sa.

Daga Karshe Gwamna Akerodolu Ya Amince Da Baiwa Mataimakinsa Rikon Kwarya

A jawabin da ya gabatar a gaban kwamitin hadin gwiwa karkashin jagorancin Sanata Saliu Mustapha, ministan noman ya ce abin da aka fi mayar da hankali a kan kudirin kasafin kudin 2024 na fannin shi ne a samu wadatar abinci a kasa.

Ya ce abubuwa da dama da suka hada da rashin tsaro da manufar sake fasalin kudin Naira, wanda tsohon gwamnan babban bankin Najeriya, Godwin Emefiele ya aiwatar kimanin shekara guda, ya jefa manoma cikin talauci tare da yin barazana ga samar da abinci a kasar. Kyari ya ce batun samar da abinci shine na daya a kan manufofi takwas na Shugaba Bola Tinubu.

A wani labarin kuma Daga Karshe Gwamna Akerodolu Ya Amince Da Baiwa Mataimakinsa Rikon Kwarya

Gwamnatin tarayya ta ce yanzu haka shirye-shirye sunyi nisa domin sauya akalar motoci har milyan 10 masu amfani da man fetir zuwa amfani da Gas nan da watanni 36 masu zuwa.

Karaminin ministan Mai, Ekperikpe Ekpo ne ya baiyana haka a yayin baje kolin mai da iskar gas na shekarar bana wanda ake gudanarwa a birnin Abu Dhabi na hadaddiyar daular larabawa.

A wata sanarwa da kakakinsa Louis Ibah ya fitar, ya baiyaan cewar a yanzu haka anyi kawance da kanfanoni masu zaman kansu domin kawo kayayyakin da za’a yi amfani dasu wajen sauya akalar motocin nan da watanni 9 masu zuwa.

Ya ce matakin wani yunkuri ne na inganta yin amfani da Gas a tsakanin motocin kasar a maimakon Man fetir da suka dogara dashi.