Sama Da Mutane 50 Suka Mutu Sanadiyyar Harin Bam Da Aka Kai Cikin Kasuwa 

DAGA MARYAM BASHIR MUSA 

Fiye da mutane 50 ne suka mutu a yau Asabar a wani harin bam da aka danganta ga sojojin Sudan a kan wata kasuwa a Omdurman da ke wajen birnin Khartoum, kamar yadda wata majiyar lafiya ta shaida wa AFP. Majiyar asibitin Al-Nao, wacce ta bukaci a sakaya sunanta, ta ce “har yanzu ana kai mutanen da suka jikkata zuwa asibiti”.

Da dama daga cikin mutanen da aka kawo asibiti na bukatar karin sassan jini inda likitoci suka bayyana karancin kayan aiki wanda hakan ba zai ba su damar kulawa da wadanda suka jikkata.

Matuƙa Motoci Sun Razana Bayan Ƴan Sanda Sun Fara Binciken Takardu

A cewar sabon rahoto daga yankin , mutane 54 ne suka mutu sakamakon tashin bam din. A kudancin babban birnin kasar, “farar hula biyu ne suka mutu” sakamakon wani hari ta sama da aka kai kan wani yanki da dakarun sa kai ma FSR ke iko da shi, a cewar cibiyar sadarwa ta gida “Cell Intervention Cells”.

Tun daga watan Afrilun 2023, dakarun sa kai na FSR ke ci gaba da yaki da sojojin Janar Abdel Fattah al-Burhane, rikicin da ya yi sanadin mutuwar dubun-dubatar mutane tare da raba sama da miliyan 12 da gidajensu.

Wani da ya tsira daga harin ya shaidawa AFP cewa, rokokin sun fado ne a tsakiyar kasuwar kayan lambu, shi ya sa ake samun asarar rayuka da jikkata da dama.

Mutanen da suka shaida harin na yau Asabar, wanda shi ne na baya-bayan nan da aka kai wa wata kasuwa, sun shaida wa kamfanin dillancin labaran Faransa na AFP cewa, makaman atilare da jirage marasa matuka, sun fito ne daga yammacin Omdurman, yankin da har yanzu dakarun sa kai na FSR ke iko da shi.

Wani mazaunin wani yanki da ke kudu da Omdurman ya ce, “Roka da manyan bindigogi suna fadowa,” ya kuma karasa da cewa dakarun na RSF sun kaddamar da hari a lokaci guda kan tituna da dama.