Jiragen Sojin Saman Faransa Sun Yi Hatsari A Sararin Samaniya Yayin Atisaye

A ranar Talata, jiragen Alpha Jet guda biyu na rundunar sojin saman Faransa, Patrouille de France, sun yi taho-mu-gama a sararin samaniya yayin atisayen da suke yi a kusa da sansaninsu na Saint-Dizier da ke arewa maso gabashin Faransa.

A lokacin wannan hatsari, jiragen suna gudanar da atisaye ne don shirye-shiryen bukukuwan da za su yi a nan gaba.

Bayan haduwar jiragen, matukan biyu da kuma wani fasinja sun yi nasarar ficewa daga cikin jiragen ta hanyar amfani da kujerun ficewa na gaggawa. An same su cikin hayyacinsu, kuma an kai su asibiti don kula da lafiyarsu.

Masu Haƙar Kaburbura Sun Koka Kan Ƙarancin Alawus Da Matsalolin Maƙabarta A Kano 

Wani daga cikin jiragen ya fado kan wani silo na hatsi a garin Villiers-en-Lieu, wanda ya haifar da gobara da lalacewar gini, yayin da ake zaton dayan jirgin ya fada cikin wani kogi.

Ministan Harkokin Sojin Faransa, Sébastien Lecornu, ya bayyana cewa an tura jami’an agaji zuwa wurin da hatsarin ya faru domin bayar da taimako.

Rundunar Patrouille de France ita ce rundunar atisayen jiragen sama ta musamman ta sojin saman Faransa, wacce ke gudanar da wasannin ban sha’awa a lokuta na musamman kamar ranar Bastille. Hatsarin ya faru ne yayin da suke atisaye don shirye-shiryen bukukuwan da za su yi a nan gaba.

THE TIMES