News
An Kama Wani Tsohon Fursuna Da Zargin Damfarar Mata 17 A Kano
Rundunar ’Yan Sandan Jihar Kano ta cafke wani matashi da ake zargi da damfarar mata da sunan bayar da tallafin gwamnati, inda yake kwace musu wayoyin salula.
Kakakin rundunar, SP Abdullahi Haruna Kiyawa ne ya bayyana hakan a cikin wata sanarwa da ya fitar ranar Asabar, 19 ga Yuli, 2025.
Ziyarar Shugaba Tinubu Ta’aziyyar Dantata Ta Haɗa Kawunan Jiga-jigan APC A Kano
A cewar sanarwar, wanda ake zargin mai suna Mohammed Usman, ɗan shekara 27 mazaunin unguwar Kofar Wambai da ke cikin birnin Kano, ya kira wata mata daga unguwar Ahmadiyya Brigade da sunan za a ba ta tallafi daga gwamnati, amma daga bisani ya yaudare ta ya sace mata waya.
Bayan cafke shi, wasu mata guda 17 sun bayyana cewa su ma ya yaudare su da irin wannan dabara ta zamba.
Rundunar ta kara da cewa Mohammed Usman tsohon ɗan fursuna ne, inda a baya aka daure shi na tsawon shekaru biyu ba tare da zabin biyan tara ba.
Bayan bincike, ’yan sanda sun kuma kama wasu mutane uku da ake zargi da karɓar wayoyin da aka sace daga hannunsa, tare da kwato wayoyi guda takwas.
Kwamishinan ’Yan Sanda na Jihar Kano, CP Ibrahim Adamu Bakori, ya bukaci al’umma da su rika lura da duk wani kira ko saƙo daga mutane da ba a sani ba, musamman masu yin alkawarin tallafi, domin kauce wa fadawa hannun masu aikata zamba da damfara.
TSARO: Ba Kasafai Ake Samun Irin Tallafin Da Gwamna Lawal Ke Bawa Sojoji Ba — Babban Hafsan Tsaro
‘Yan Bindiga Sun Hallaka Direban Bas, Sun Yi Awon Gaba Da Fasinjoji A Hanyar Benin Zuwa Lagos
Jami’an NDLEA Sun Kama Hodar Iblis Da Aka Ɓoye Cikin Kwanon Abinci A Filin Jirgin Saman Legas
Iran Ta Ce Ba Za Ta Halarci Taron Tattaunawa Da Amurka A Pakistan Ba
Jam’iyyar APC Ta Sanar Da Kudin Sayen Fom Din Tsayawa Takara A Zaben 2027
Muhimmancin sada zumunci – Malam Jafar
“Azumin Sitta Shawwal: Fa’idodi, Sharudda, Da Muhimmancinsa A Musulunci”
Gwamnatin Kano Ta Sanar Da Ranakun Komawa Makaranta
Gwamnatin Tarayya Ta Fitar Da Sunan Mutum 48 Da Ake Zargi Da Ɗaukar Nauyin Ta’addanci
