Manchester ‎United Da Arsenal Za Su Fafata A Old Trafford

DAGA UMAR IBRAHIM HOTORO 

Wasan hamayyan zai kasance wasan farko ga dukkannin kungiyoyin guda biyu yayin da za’a fafata wasan a babban filin wasa na kungiyar kwallon kafa ta Manchester united wato old traffird da misalin karfe 4:30 na yammaci.

‎Gasar ta dawo ne ranar Juma’a bayan hutun kwanaki 82, inda Liverpool ta doke Bournemouth da ci 4-2. A jiya kuma Manchester City ta lallasa Wolves da ci 4-0, yayin da Tottenham Hotspur ta doke sabon shiga gasar, Burnley, da ci 3-0 a wasan farko na Thomas Frank.

‎Allah Ya Yi Wa Sarkin Zuru, Muhammadu Sani Sami Rasuwa Yana Da Shekaru 81 A Duniya

‎Sai dai duk da wadannan sakamako, ziyarar Arsenal zuwa Old Trafford ce ta fi daukar hankalin jama’a duba da yadda dukkannin kungiyoyin suka cefano zaratan Yan kwallo masu zira kwallo a raga

‎Manchester United ta kammala kakar bara cikin mawuyacin hali, inda ta kare a matsayi na 15 a teburin gasar kuma ta sha kashi a wasan karshe na Europa League hannun Tottenham.

‎Sabon koci, Ruben Amorim, ya dauko sababbin ‘yan wasa uku — Matheus Cunha, Bryan Mbeumo da Benjamin Sesko — domin inganta karfin ‘yan gaba. Duk da haka, babban dan wasan da yake nema, Viktor Gyokeres, ya koma Arsenal.

‎A bangaren Arsenal kuwa, Gyokeres na daga cikin sababbin ‘yan wasa shida da suka iso kungiyar, ciki har da Christhian Mosquera, Kepa Arrizabalaga, Martin Zubimendi, Noni Madueke da Christian Norgaard.

‎kociyan Arsenal Mikel Arteta yace wannan kakar za ta kasance mai matukar muhimmanci. Bayan karewa a matsayi na biyu na tsawon kakanni uku a jere, akwai bukatar ya dauki kofin Premier League domin tabbatar da nasarar shirinsa.

‎Arsenal ta fara kakar da nasara a wasan farko, kuma akwai matsin lamba a kan tawagar Arteta ta fara kakar da karfi kamar yadda suke fata ta kare da daukar kofin.

‎

‎

‎