Jami’an NSCDC Sun Kama Mutane 6 Da Ake Zargin Barayin Wayoyin Wutar Lantarki Ne A Kano

Jami’an hukumar tsaron farin kaya ta Nijeriya reshen jihar Kano, sun cafke wasu barayi shida da ake zargi da barnatarwa da kuma sace kayan wutar lantarki a unguwar Hayin Da’e da ke Hotoro a karamar hukumar Tarauni ta jihar.

Hakan na kunshe ne cikin wata sanarwa da jami’in hulda da jama’a na rundunar, Ibrahim Abdullahi ya fitar a ranar Talata.

Jami’an NDLEA Sun Kama Kwalaben Akuskura 8,000 Da Bulo 48 Na Tabar Wiwi A Kano

Abdullahi ya ce, cafke wadanda ake zargin ya biyo bayan samun sahihan bayanan sirri da ‘yan banga da ke aiki yankin suka samu.

“Hukumar NSCDC ta kama wadanda ake zargin tare da wayoyin wutar tiransifoma da ake kyautata zaton sato su aka yi a tsakar dare a yankin,” in ji shi

LEADSHIP