News
Kaso 90 Na Makarantun Dake Koyar Da Harkar Jinya A Najeriya Basu Da Shaidar Izini Daga Gwamnati
Shugaban Hukumar Rajistar Ma’aikatan Kiwon Lafiya ta Najeriya (HPR), Dr. Alhaji Bashir Idris, ya bayyana cewa mafi yawan makarantun da ke koyar da ilimin jinya a fadin ƙasar — kimanin kashi 90 cikin 100 — ba sa da sahalewar aiki daga gwamnati.
Dr. Idris ya bayyana hakan ne a cikin shirin Barka da Warhaka na Freedom Radio Kaduna, yayin da yake bayyana damuwar hukumarsa kan yadda ake ta yawaitar kafa makarantu marasa rajista da kuma barazanar da hakan ke haifarwa ga tsarin kiwon lafiya.
Kaso 90 Na Makarantun Dake Koyar Da Harkar Jinya A Najeriya Basu Da Shaidar Izini Daga Gwamnati
A cewarsa, hukumarsu ba ta da cikakken rajista ko bayanan sahihanci kan yawancin wadannan makarantu, lamarin da ya ce na janyo cunkoson dalibai da kuma fitar da ƙwararrun da ba su da ingantacciyar horo, wanda ke iya jefa rayuwar marasa lafiya cikin haɗari.
Ya ce hukumar tana aiki tare da hukumomin tsaro da sauran bangarorin gwamnati domin dakile yaduwar irin wadannan cibiyoyi da ba su bin ka’ida.
Dr. Idris ya kuma ja hankalin iyaye da matasa masu neman shiga makarantar jinya da su rika tantance sahihancin kowace makaranta kafin su yi rajista, domin kaucewa asarar lokaci da kuɗi, da kuma kare lafiyar al’umma.
TSARO: Ba Kasafai Ake Samun Irin Tallafin Da Gwamna Lawal Ke Bawa Sojoji Ba — Babban Hafsan Tsaro
‘Yan Bindiga Sun Hallaka Direban Bas, Sun Yi Awon Gaba Da Fasinjoji A Hanyar Benin Zuwa Lagos
Jami’an NDLEA Sun Kama Hodar Iblis Da Aka Ɓoye Cikin Kwanon Abinci A Filin Jirgin Saman Legas
Iran Ta Ce Ba Za Ta Halarci Taron Tattaunawa Da Amurka A Pakistan Ba
Jam’iyyar APC Ta Sanar Da Kudin Sayen Fom Din Tsayawa Takara A Zaben 2027
Muhimmancin sada zumunci – Malam Jafar
“Azumin Sitta Shawwal: Fa’idodi, Sharudda, Da Muhimmancinsa A Musulunci”
Gwamnatin Kano Ta Sanar Da Ranakun Komawa Makaranta
Gwamnatin Tarayya Ta Fitar Da Sunan Mutum 48 Da Ake Zargi Da Ɗaukar Nauyin Ta’addanci
