News
Kuskuren Harin Sojin Sama Ya Sake Hallaka Fararen Hula A Borno
Rahotanni daga jihar Borno na nuni da cewa hare-hare dakarun Sojin Sama da suka nufaci kaiwa kan ƴan ta’addan da ke ɓoye a yankin ya kai ga kisan ɗimbin fararen hula.
Jaridar Premium Times ta ruwaito cewa an kai hare-haren ne a ranar 14 ga watan nan can a Mararraba da ke ƙaramar hukumar Kukawa.
Jaridar ta ce sojojin sun yi kuskuren luguden wuta kan Masunta da direbobin motocin hayar da ke dakon kifi wanda ya sabbaba asarar ɗimbin rayuka.
Wasu mutane 3 ganau da suka tsira da rayukansu a harin, sun ce motoci aƙalla 10 hare-haren suka lalata sai dai babu cikakkun alƙaluma kan mutanen da suka rasa rayukansu kodayake da dama da suka jikkata na karɓar kulawa a babban asibitin Munguno.
Bayanai sun ce tsawon sa’o’i sojin saman na Najeriya suka shafe suna luguden wutar wanda suka faro tun da ƙarfe 6 na asubahi har zuwa 4 na yammacin ranar Asabar 14 ga watan da muke na Disamba.
Wannan kuskuren hari na zuwa sa’o’i bayan rundunar Sojin saman Najeriyar ta sha alwashin baiwa jama’a kariya ta hanyar kakkaɓe barazanar ƴan ta’addan a sabon sumamen da ta faro da taimakon Amurka.
Wata Tankar Mai Ta Fashe A kaduna
An Kashe Ministan Tsaron Mali A Harin Ta’addanci
Zaɓen Shekarar 2027: Me Ya Sa Shugaban Tinubu Zai Iya Yin Nasara Ko Rashin Nasara
Shugaban Amurka Tare Da Mataimakinsa Sun Tsallake Rijiya Da Baya A Wani Harin Bindiga
Jami’an EFCC Sun Kama Ɗan Asalin Kamaru Bisa Zargin Damfarar Sama Da Naira Biliyan 1.5
Muhimmancin sada zumunci – Malam Jafar
Gwamnatin Tarayya Ta Fitar Da Sunan Mutum 48 Da Ake Zargi Da Ɗaukar Nauyin Ta’addanci
JIGAWA: Uba Ya Fasa Aurar Da ‘Yarsa Ga Wani Saurayi Saboda Goyon Bayan Tinubu
DSS Sun Cafke Wata Matashiya Mai Yi Wa ‘Yan Bindiga Safarar Harsashai A Kano
