News
Ƴarinya ‘Yar Shekara 17 Ta Yi Garkuwa Da Kanta Tare Karɓar Kuɗin Fansa Daga Hannun Mahaifiyarta
Rundunar ‘yan sandan jihar Delta dake kudancin Najeriya ta kama wata yarinya mai shekara 17 da ake zargi da shirya garkuwa da kanta tare da wasu abokanta uku, domin karɓar kuɗin fansa daga mahaifiyarta.
Kakakin rundunar ‘yan sandan jihar, Bright Edafe ne, ya bayyana cewa yarinyar – dalibar aji uku a makarantar sakandare (SSS 3) – ta amsa cewa ita da abokanta ne suka tsara lamarin domin su samu kuɗi ta hanyar damfarar mahaifiyarta
A cewar ‘yan sanda, yarinyar da abokanta sun yi tafiya zuwa birnin Port Harcourt inda suka sauka a wani otel. Daga nan ne ta kira mahaifiyarta tana iƙirarin cewa wasu sun yi garkuwa da ita, tare da neman a biya kuɗin fansa domin sakinta.
Rahotanni sun ce mahaifiyar yarinyar – wadda gwauruwa ce mai ƙaramin hali – ta yi ƙoƙarin tara kuɗin domin biyan fansar, kafin daga bisani ta kai ƙara ga jami’an tsaro.
Binciken da aka gudanar ya nuna cewa ba garkuwar ba ta gaskiya ba ce, sai dai shirin damfara da aka tsara domin karɓar kuɗi.
‘Yan sanda sun ce yarinyar ta amsa cewa sun kashe kuɗin da suka samu wajen sayen tufafi da wasu kayayyaki.
Rundunar ta bayyana damuwa kan yadda irin waɗannan laifuffuka ke ƙara yawaita tsakanin matasa, inda wasu ke kwaikwayon dabarun damfara domin karɓar kuɗi daga iyayensu.
Hon.sha’aban Ya Jaddada Janye Neman Takarar Sanatan Kaduna Ta Arewa, Tare Da Bayyana Goyon Duk Wanda Apc Ta Tsayar
An Samu Bullar Cutar Covid-19 A Najeriya Shekaru Bayan Duniya Ta Yi Fama Da Ita
Dakarun Sojin Sama Sun Hallaka Tarin ‘Yan-Ta’adda A Dajin Sambisa
Gwamantin Tarraya Ta Fitar Da Litar Man Jirgi Fiye Da Biliyan 1 Zuwa Turai Cikin Kwanaki 50
NPFL: An Ci Tarar Kano Pillars Naira Miliyan 15
Muhimmancin sada zumunci – Malam Jafar
“Azumin Sitta Shawwal: Fa’idodi, Sharudda, Da Muhimmancinsa A Musulunci”
Gwamnatin Tarayya Ta Fitar Da Sunan Mutum 48 Da Ake Zargi Da Ɗaukar Nauyin Ta’addanci
JIGAWA: Uba Ya Fasa Aurar Da ‘Yarsa Ga Wani Saurayi Saboda Goyon Bayan Tinubu
