News
Jami’an Tsaro Sun Dakile Wani Yunƙurin Garkuwa Da Mutane A Kano
Jami’an tsaro sun dakile wani yunƙurin garkuwa da mutane a ƙauyen Rantan da ke Ƙaramar Hukumar Bebeji a Jihar Kano, inda suka ceto mutum biyu, yayin da wani ya rasa ransa sakamakon harbin bindiga.
Lamarin ya faru ne da misalin ƙarfe 11:30 na daren ranar 2 ga watan Maris, 2026, bayan wani mazaunin yankin ya sanar da jami’an tsaro ta hanyar kiran gaggawa.
Amurka Ta Bukaci Ƙananan Jami’anta Su Fice Daga Yankin Gabas Ta Tsakiya
Wani masani kan al’amuran tsaro, Zagazola Makama, ya bayyana cewa kimanin wasu ‘yan bindiga 15 ne suka kai farmaki gidan wani da ake kira Fulani Bakwai, inda suka yi awon gaba da shi tare da maƙwabcinsa, Mohammed Bello.
Majiyar ta ce maharan sun harbi Musa Mohammed Bello, mai shekaru 25, a ƙafarsa ta hagu lokacin da ya yi ƙoƙarin hana su tafiya da waɗanda suka sace.
Sai dai bayan samun rahoto, jami’an tsaro tare da haɗin gwiwar ‘yan sa-kai na yankin suka bi sawun maharan, lamarin da ya kai ga kuɓutar da mutanen biyu, yayin da maharan suka tsere zuwa cikin daji.
An kai wanda aka harba Asibitin Tiga domin ba shi kulawa, amma daga bisani aka tabbatar da mutuwarsa. An miƙa gawarsa ga iyalansa domin yi masa jana’iza.
Mahukunta sun ce an dawo da zaman lafiya a yankin, yayin da ake ci gaba da farautar waɗanda suka tsere.
JAMB Ta Saki Sakamakon Ɗalibai Miliyan 1.9
An Haramta Wa ‘Yan Kabilar Igbo Nadin Sarautar Gargajiya A Kasashen Waje
TSARO: Ba Kasafai Ake Samun Irin Tallafin Da Gwamna Lawal Ke Bawa Sojoji Ba — Babban Hafsan Tsaro
‘Yan Bindiga Sun Hallaka Direban Bas, Sun Yi Awon Gaba Da Fasinjoji A Hanyar Benin Zuwa Lagos
Jami’an NDLEA Sun Kama Hodar Iblis Da Aka Ɓoye Cikin Kwanon Abinci A Filin Jirgin Saman Legas
Muhimmancin sada zumunci – Malam Jafar
“Azumin Sitta Shawwal: Fa’idodi, Sharudda, Da Muhimmancinsa A Musulunci”
Gwamnatin Kano Ta Sanar Da Ranakun Komawa Makaranta
Gwamnatin Tarayya Ta Fitar Da Sunan Mutum 48 Da Ake Zargi Da Ɗaukar Nauyin Ta’addanci
