Gwamnatin Tarraya Na Yunkurin Karbo Bashin Dala Milliyan 3.45 Domin Inganta Makamashi

DAGA YASIR SANI ABDULLAHI

Majalisar zartaswa ta tarayya ta amince da neman lamuni na dala biliyan 3.45 domin gudanar da ayyuka biyar a bangaren samar da wutar lantarki da sabuwar fasahar makamashi.

Da yake magana a karshen taron da ya gudanar a ranar Litinin, ministan kudi kuma mai kula da harkokin tattalin arzikin kasa, Wale Edun, ya ce ayyukan da aka amince da su sun kasance a cikin wasiku biyar da ya gabatar.

Yan Bindiga Sun Sace Babbar Malama A Jami’ar Jihar Nasarawa

Edun ya ce takardun da shugaban kasa Bola Tinubu wanda ya jagoranci taron ya amince da su sun hada da lamuni ba tare da kudin ruwa ba daga bankin duniya da kuma kungiyar ci gaban kasa da kasa.

Haka kuma an amince da bayar da kudade don shirye-shiryen tattara albarkatun kasa a jihohi don taimaka musu da kokarin samun kudaden shiga.

A wani labarin kuma Yan Bindiga Sun Sace Babbar Malama A Jami’ar Jihar Nasarawa

Gwamnatin tarayya ta ce yanzu haka shirye-shirye sunyi nisa domin sauya akalar motoci har milyan 10 masu amfani da man fetir zuwa amfani da Gas nan da watanni 36 masu zuwa.

Karaminin ministan Mai, Ekperikpe Ekpo ne ya baiyana haka a yayin baje kolin mai da iskar gas na shekarar bana wanda ake gudanarwa a birnin Abu Dhabi na hadaddiyar daular larabawa.

A wata sanarwa da kakakinsa Louis Ibah ya fitar, ya baiyaan cewar a yanzu haka anyi kawance da kanfanoni masu zaman kansu domin kawo kayayyakin da za’a yi amfani dasu wajen sauya akalar motocin nan da watanni 9 masu zuwa.

Ya ce matakin wani yunkuri ne na inganta yin amfani da Gas a tsakanin motocin kasar a maimakon Man fetir da suka dogara dashi.