Gobara ta lalata kadarorin miliyoyin Naira, tare da kone matsugunin mutane sama da 120

DAGA MUSLIM YUNUS ABDULLAHI

Gobara ta lalata kadarorin miliyoyin Naira, tare da kone matsugunin mutane sama da 120 a jihar Kwara

Lamarin ya faru ne da misalin karfe 11:08 na safe, a cewar kakakin hukumar kashe gobara ta jihar, Hassan Adekunle, a wata sanarwa da ya fitar a Ilorin a ranar Litinin.

Ganduje da Kwankwaso sun amince su shiga zauren dattawan Kano da Gwamna Abba Kabir Yusuf ya kafa.

Ya ce hukumar kashe gobara ta Jihar Kwara ta kai dauki inda gobarar ta tashi a Megida Onikanhun da ke Karamar Hukumar Ilorin ta Kudu ta jihar.

“Ma’aikatan kashe gobara, da isowar su, sun gano gaba dayan kasuwar da Edun ta kone.

Hukumar kashe gobara ta tarayya da sauran jami’an tsaro sun kai dauki wajen da gobarar ta tashi a jihar.

Darakta, Hukumar kashe gobara ta Jihar Kwara, Prince Falade John Olumuyiwa, ya bukaci jama’a da su kasance masu sanya ido wajen amfani da kayan wuta.

Kazalika ya bukaci jami’an hukumar kashe gobara da suke kai dauki a lokacin da aka kira su don tabbatar da ceton rayuka da dukiyoyin al’umma.

A wani labarin kuma Ganduje da Kwankwaso sun amince su shiga zauren dattawan Kano da Gwamna Abba Kabir Yusuf ya kafa.

Babban Bankin Najeriya CBN ya sauya matsayarsa kan hada-hada da kuɗin intanet ko kuma cryptocurrency a ƙasar.

Jaridar Daily Trust ta ruwaito wata sanarwa da bankin ya fitar ranar Juma’a da ke umartar bankunan kasuwanci na Najeriya cewa su yi watsi da haramcin da ya saka kan amfani da kuɗin na crypto tu a 2021.

CBN ya ce yadda ake yayin kuɗin na crypto yanzu a faɗin duniya ya nuna irin buƙatar da ake da ita ta saka dokoki a kan sa.

“A watan Fabarairun 2021 CBN ya haramta wa bankuna da sauran cibiyoyin kuɗi amfani da cryptocurrency saboda almundahanar kuɗi da kuma ɗaukar nauyin ta’addanci,” in ji sanarwar.

“Sai dai kuma, abin da ke faruwa a duniya ya nuna cewa akwai buƙatar a kula da dukiyoyin hada-hada ta intanet wato Virtual Assets Service Providers (V/ASPs).”

Ya ƙara da cewa hukumar kula da hada-hada da hannayen jari za ta fitar dokoki da sharuɗɗan amfani da dukiyoyoin intanet ɗin.

Amma babban bankin ya jaddada haramcin yin kasuwanci, ko kuma mallakar asusun crypto ga bankunan kasuwancin su da kansu