Ganduje da Kwankwaso sun amince su shiga zauren dattawan Kano da Gwamna Abba Kabir Yusuf ya kafa.

DAGA YASIR SANI ABDULLAHI 

Tsofaffin gwamnonin jihar Kano guda biyu, Sanata Rabiu Kwankwaso da magajinsa, Dr Abdullahi Ganduje, sun amince da yin aikin ba da shawara ga Gwamna Abba Kabir Yusuf ta majalisar dattawan Kano.

Jaridar Inda Ranka ta ruwaito cewa a ranar Lahadin da ta gabata ne gwamnan ya sanar da kafa majalisar wanda ya hada da dattawan jihar masu rike da mukamai da kuma tsoffin jami’an gwamnati, wadanda ‘yan asalin jihar ne don zama masu ba shi shawara.

An Gurfanar Da Wasu Ma’aurata A Kotu Kan Zargin Sace Budurwa  Jihar Kano.

Jaridar LEADERSHIP ta tuntubi ko zai amince da yunkurin gwamna Abba Kabir Yusuf, Ganduje wanda shi ne shugaban jam’iyyar APC mai ci ta hannun shugaban ma’aikatansa, Muhammad Garba, ya ce yana da sha’awar gaban jihar. Ya bayyana kafa majalisar a matsayin abin maraba idan ba a siyasance ba.

Ya ce da irin nasarorin da Ganduje ya samu ta fuskar ci gaban bil’adama da samar da ababen more rayuwa a lokacin da yake gwamna, ya nuna cewa yana da muradin jihar a zuciyarsa.

A yayin kaddamar da majalisar dattawan za ta kunshi tsofaffin gwamnonin jihar da mataimakansu, shugabannin majalisar dattawa, shugabannin majalisar wakilai, shugabannin majalisar dokokin jihar, mataimakan shugaban majalisar, alkalan kotun koli da suka yi ritaya, alkalan kotun daukaka kara da suka yi ritaya, tsohon shugaban kasa. alkalan jihar, tsofaffin sakatarorin gwamnatin jihar da tsoffin shugabannin ma’aikatan gwamnati, wadanda ’yan asalin jihar ne.

Sauran sun hada da shugabannin Malamai, ’yan kasuwa, sarakunan gargajiya, tsofaffin shugabannin hukumomin tsaro na Jihar Kano da sauran dattawan da gwamnati za ta tantance tare da nada su.

Hakazalika, jam’iyyar New Nigerian Peoples Party (NNPP) ta ce shugabanta, Sanata Rabi’u Musa Kwankwaso, zai yi aiki a majalisar da aka gabatar.

Jam’iyyar ta ce Kwankwaso ya biya hakkinsa wajen ci gaban jihar, kuma zai tabbatar da dorewar abubuwan da ya gada domin amfanin al’ummar Kano da Najeriya.

Da yake zantawa da LEADERSHIP, sakataren yada labaran jam’iyyar NNPP na kasa, Yakubu Shandam, ya bayyana kundin tsarin mulkin majalisar ba da shawara ta Kano da Gwamna Abba Kabir Yusuf ya yi a matsayin abin yabawa.

“Abin farin ciki ne. Idan sauran gwamnonin za su yi koyi da haka, Nijeriya za ta ci gaba.

“Abba Gida-Gida yana son ci gaban jihar Kano kuma idan ya samu shawarwari daga shugabannin da suka gabata na jihar zai fi kyau.