An Yi Nasarar Gano Wasu Matafiya Su 9 Da Suka Yi Ɓatan Damo

DAGA YASIR SANI ABDULLAHI

An gano wasu matasa da aka bayyana ɓacewar su, su tara ƴan asalin ƙaramar hukumar Kirfi ta jihar Bauchi a jihar Filato garin Jos.

Daily Trust ta ruwaito cewa a jiya Laraba yadda aka bayyana ɓacewar matafiyan a ranar Asabar bayan sun bar garinsu zuwa jihar Nasarawa domin neman kuɗi.

Ana gudanar da babban zaɓe a kasar Pakistan mai cike da ruɗani

Shugaban karamar hukumar Kirfi, Alhaji Abdulkadir Umar Dewu shi ne ya tabbatar da cewa an yi nasarar gano matasan.

Ya ce ashe ‘Operation Safe Haven’ suka kama su a ƙoƙarin su na wanzar da zaman lafiya a jihar. Sai dai an sake su kwanaki huɗu bayan kama su.