Labarai
‘Yan sanda sun kama mutum hudu dake safarar yara kanana a Kaduna

DAGA MUHAMMAD MUHAMMAD ZAHRADDIN
Rundunar ‘yan sandan jihar Kaduna ta bayyana cewa jami’an ta sun kama wasu mutane hudu dake safarar yara kanana a jihar.
Jami’an tsaron sun kama Shehu Sani mai shekara 40, Tskan Isiaku mai shekara 43 da Hafsat Hussaini ‘yar shekara 24 duk dake suna zama a Ungwar Rimi a karamar hukumar Kaduna ta Arewa sannan da Angela Onazu dake zama a unguwar Sabon Tasha a karamar hukumar Chikun.
Yadda Gayyatar Da Jami’an Tsaro Suka Yi Da Sheikh Gumi Ta Gudana
Kamen da dakarun suka yi ya faru bayan sa’o’I 24 da dakarun suka kama wani sojan karya mai suna Ya’u Ja’afar dake damfarar mutane da kuma yi musu fashi da makami jihar.
Jami’in hulda da jama’a na rundunar Mansur Hassan ya ce mutanen sun tabbatar wa jami’an tsaron cewa suna safarar yara kanana sannan dakarun sun ceto wata karamar yarinya mai suna Zainab mai shekara biyu daga hannun su.
Hassan ya ce mutanen sun yi bayanin cewa sukan kama yara kanana dake gararamba a titi da wadanda aka aike su su kadai ba tare da wani babba tare da su ba.
Ya yi kira ga iyaye da su rika sa ido suna kula da shiga da fitan ya’yan su domin kare su daga fadawa hannun mutane irin haka.
Kwamishinan ‘yan sandan jihar Ali Audu Dabigi ya ce jami’an tsaro za su ci gaba da kokarin wajen kare rayuka da dukiyoyin mutane a jihar.
-
Labarai6 days ago
Gwamnatin Tarayya Za Ta Fara Yi Wa Masu Digirin Ƙasashen Waje Jarrabawa
-
Labarai3 days ago
Jami’an Tsaro A Pakistan Sun Kama ’Yan Najeriya 20 Kan Zargin Safarar Miyagun Ƙwayoyi
-
Labarai2 days ago
Hare-haren Ta’addanci Ya Yi Sanadiyyar Mutuwar Mutum 835 A Najeriya Cikin Wata Guda – Rahoto
