‘Yan Sanda Sun Kama Mutum 3 Da Kudin Jabu Da Ake Nairan Biliyan 129 A Kano

DAGA MUHAMMAD MUHAMMAD ZAHRADDIN 

Rundunar ‘yan sandan jihar Kano, ta kama wasu mutane uku da ake zargin sun mallaki kudaden jabu da suka kai Naira biliyan 129,542,826,000:00.

Kakakin Rundunar SP Abdullahi Haruna Kiyawa ne ya bayyana hakan ga manema labarai a Kano ranar Talata a wani taron manema labarai.

Mafi Ƙarancin Albashi : Ma’aikatan Hukumar Ruwa A Kano Sun Tsunduma Yajin Aikin Sai Baba Ta Gani  

Kiyawa ya bayar da takaitaccen bayani kan kudaden da suka hada da Dalar Amurka da CFA da Naira kamar yadda su ma aka sace daga wani dillalin kudaden.

An kwato kudaden jabun kwatankwacin jimillar Biliyan Dari da Ashirin da Tara, Miliyan Dari Biyar da Arba’in da Biyu, Naira Dubu Dari Takwas da Ashirin da Uku (N129,542,823,000:00),” in ji Kiyawa.

SolaceBase ta ba da rahoton cewa PPRO ya ba da rarrabuwar kuɗaɗen jabun kamar $3,366,000, CFA51,970,000 da N1,443,000.

Ya kara da cewa an kama mutane biyun da aka kama da kudin da kuma wanda aka sacewa, kuma a halin yanzu suna hannun ‘yan sanda suna taimakawa wajen binciken ainihin wadanda suka kera kudin jabun.

Bugu da kari, rundunar ta kwato alburusai guda shida, babur uku, babur takwas da ganye guda 175 da ake zargin hodar iblis ce.

Kiyawa ya kara da cewa rundunar ta kwato allunan diazapam guda 250, tumaki 278 da shanu bakwai a wani bangare na kwato da jami’an ta suka yi.