Kungiyar Kwadago ta NLC Ta Dakatar Da Zanga-zangar Adawa Da Karin Farashin Kudin Kira Da Na Data

DAGA MAIMUNATU BASHIR MUSA 

Kungiyar Kwadago ta NLC a Nijeriya ta dakatar da zanga-zangar adawa da karin farashin kudin kira da na data da kamfanonin sadarwa ke shirin kaddamarwa

bayan wata ganawa da wakilan gwamnati a Ofishin Sakataren Gwamnatin Tarayya a daren Litinin, NLC ta yanke shawarar dakatar da zanga-zangar har sai an kammala tattaunawa.

Yadda Kotu Ta Tuɓe Wa Sarkin Ebira Sarauta A Kogi

Da yake magana da ‘yan jarida bayan taron, Shugaban NLC, Joe Ajaero, ya bayyana cewa gwamnati ta amince da kafa wani babban kwamiti don sake duba karin farashin kudin kira da na data da kamfanonin sadarwa ke shirin kaddamarwa

A cewarsa, kwamitin zai ƙunshi wakilai biyar daga kowanne bangare, kuma ana sa ran zai gabatar da sakamakonsa cikin makonni biyu.