News
Gwamnan Kano Ya Sallami Masu Taimaka Masa Biyu Bisa Hannu A Belin Danwawu, Da Karkatar Da Tallafi
Gwamnan Kano, Abba Kabir Yusuf, ya sallami Babban Mai Taimaka masa a Ofishin Sakataren Gwamnati, Hon. Tasi’u Adamu Roba, da wani hadiminsa kan zarge-zargen karkatar da kayan tallafi da kuma hannu a belin Sulaiman Danwawu, wanda ake zargin yana da alaka da miyagun kwayoyi.
Sanarwar korar ta fito ne daga Ofishin Sakataren Yaɗa Labaran Sakataren Gwamnatin Kano, Musa Tanko Muhammad, a ranar Asabar.
Sanarwar kara da cewa , dama an riga an gurfanar da Tasi’u Roba gaban kotu kan zargin karkatar da buhuhunan kayan tallafin abinci na palliative, tare da chanja sunayen wadanda aka yi wa rajista domin amfana da tallafin.
Bayan rahoton da kwamitin bincike na musamman ya gabatar, Gwamna Abba ya tabbatar da sallamarsu daga aiki, tare da gargadin cewa kada su sake bayyana kansu a matsayin jami’an gwamnatin Kano mai ci yanzu.
Sanarwar ta kuma umarci Tasi’u Roba da ya mika dukkan kayan gwamnati da ke hannunsa daga yau zuwa ranar Litinin.
Rahoton kwamitin ya nuna cewa hadimin na da hannu wajen shirya yadda aka karɓi belin Danwawu, lamarin da gwamnatin Kano ta bayyana a matsayin saba ka’ida da kuma karya doka.
Shugaba Tinubu Na Tattaunawa Da Bankin Duniya Kan Sabon Bashin Dala Biliyan 1.25 —Rahoto
BA TA DA RUNDUNAR SOJA: Yadda Ƙasar Costa Rica Ke Kare Ƙasarta Da Jami’an ’Yan Sanda
‘Yan Bindiga Sun Harbi Uba Da Ɗansa Tare Da Kwashe Dabbobi Masu Yawa A Katsina
2026: JAMB Ta Aiyana Maki 150 Mafi Karanci Maki Na Shiga Jami’a A Najeriya
ASUU Ta Yi Barazanar Tsunduma Yajin Aiki
Shekara Kwana: Shekaru 24 Kenan Da Hatsarin Jirgin Sama A Unguwar Gwammaja Dake Jihar Kano
Wasu Ƴan Daba Sun Kai Farmaki Kasuwar Siyar Da Wayoyi Ta Farm Center Dake Kano
Wasu Fusatattun Matasa Sun Ƙona Mutum Uku Har lahira A Filato
Kujerar Mataimakin Gwamna : Jaddada Matsayata Da Kalubalantar MUNAFUKAI
