Ba Kano ce ta fi kiwacce jiha cin jarabawar NECO a bana ba – Bincike

Wani bincike da jaridar Premium Times ta yi ya gano cewa ba Jihar Kano ba ce ta fi nasara a jarabawar NECO da aka gudanar a bana ba.

Rahoton ya ce bayan bincike da kuma nazarin bayanan sakamakon jarrabawar ta bana, Premium Times ta ce za ta iya tabbatarwa cewa ba jihar Kano ba ce jiha ma fi nasara ba.

Karyewar Gadar Gwangwan Na Kara Janyo Tsaiko Ga Rayuwar Al’umma

Wannan na zuwa saɓanin ikirarin da Gwamnan Kano, Abba Yusuf, Kano ya yi na cewa jihar ce mafi nasara a jarrabawar NECO ta shekarar 2025 da aka saki kwanan nan.

Gwamna Abba Kabir Yusuf ya wallafa a shafinsa na Facebook cewa jihar Kano ce ta zo a matsayin “jiha mafi nasara a jarrabawar NECO SSCE ta 2025.”

Binciken na Premium Times ya ƙara da cewa kwata-kwata jihar Kano ma ba ta shiga cikin jihohi 10 da suka yi nasara ba, bal ma ta zo ne a matsayi na 29 daga cikin 37.

A ƙididdige, jihar Kano ce ta kowacce jihar faɗuwa jarabawar NECO a bana idan aka yi la’akari da yawan ɗaliban da suka rubuta jarabawar da kuma yawan waɗanda suka ci jarabawar.

Jihohi 10 da suka fi faɗi jarabawar NECO a Najeriya

Daga na 28 zuwa na 37.

28. Bauchi – 52.62 per cent

29. Kano – 49.84 per cent

30. Yobe – 48.13 per cent

31. Adamawa – 47.99 per cent

32. Plateau – 46.46 per cent

33. Borno – 44.72 per cent

34. Jigawa – 43.81 per cent

35. Katsina – 42.89 per cent

36. Zamfara – 42.12 per cent

37. Sokoto – 35.00 per cent

Jihohi 10 da suka fi yin nasara jarabawar NECO 2025

Abia – 83.31 per cent

Imo – 83.09 per cent

Ebonyi – 80.60 per cent

Anambra – 76.80 per cent

Bayelsa – 73.88 per cent

Delta – 73.10 per cent

Osun – 72.64 per cent

Ogun – 72.21 per cent

Lagos – 71.76 per cent

Ekiti – 68.50 per cent