Sports
Liverpool ta sha da kyar a hannun Newcastle a Anfield
DAG: MUHAMMAD MUHAMMAD ZAHRADDIN
Liverpool ta yi nasara a kan Newcastle da ci 2-1 a wasan mako na biyar a gasar Premier League da suka ranar Laraba a Anfield.
Alexander Isak ne ya fara ci wa Newcastle kwallo a minti na 38 da fara wasan, hakan suka je hutu Newcastle da kwallo daya.
Bayan da suka huta suka koma zagaye na biyu ne Liverpool ta farke ta hannun Roberto Firmino, sanann daf da za a tashi daga karawar Fabio Carvalho ya ci wa Liverpool na biyu.
Liverpool ta yi wasa 26 a gida a jere a Premier League kenan ba tare da an doke ta ba, wadda ta ci 20 da canjaras shida a Anfield tun bayan 1-0 da Fulham ta yi mata ranar 7 ga watan Maris din 2021.
Liverpool ta yi nasara a wasa 11 daga 12 da ta buga a baya a tsakiyar mako da yin nasara a karawa bakwai baya da cin kwallo 20 aka zura mata uku.
A kakar bara a Premier League Newcastle ta yi rashin nasara a wasa shida da kungiyoyin shidan farko a teburi da cin kwallo shida aka zura mata 20 a raga.
Eddie Howe ya yi rashin nasara a wasa na tara a jere a hannun Liverpool tun bayan 2-2 da suka tashi a Anfield a Afirilun 2017 a lokacin yana Bournemouth.
Liverpool ta ci Newcastle United kwallo 111 a gasar Premier, kungiyar da ta zazzagawa kwallaye mafi yawa a wasannin kenan.
Farfesa Adamu Gwarzo: Jagoran Da Ke Daga Darajar Ilimi Da Ci gaban Dan Adam A Afirka
’Yansanda Sun Cafke Mutum 7 Kan Garkuwa Da Yaro Mai Shekara 8 A Katsina
Alƙalin Babbar Kotun Tarayya Ya Rasu Bayan Faɗuwa A Gidansa Da Ke Kano
Zan Dauki Matakin Shari’a A Kan Duk Wanda Ya Kara Cewa Ina Bai Wa ‘Yan bindiga Kariya —Sheikh Gumi
Jami’an Yansanda Sun Kama Matashi Kan Kashe Kakansa Da Wuka
Wani Matashi Dan Kano Ya Yanke Gaban Sa
Shekara Kwana: Shekaru 24 Kenan Da Hatsarin Jirgin Sama A Unguwar Gwammaja Dake Jihar Kano
KANO: ‘Yan Bindiga Sun Hallaka Mutum 2 A Gwarzo
Wasu Ƴan Daba Sun Kai Farmaki Kasuwar Siyar Da Wayoyi Ta Farm Center Dake Kano
