News
Yan Bindiga Sun Kashe Mutum 7, Sun Sace 5 A Sabon Hari A Sakkwato
DAGA KABIRU BASIRU FULATAN
Wasu ’yan bindiga sun kashe mutum bakwai tare da yin garkuwa da wasu biyar a wasu sabbin hare-hare a kananan hukumomin Goronyo da Sabon Birni a Jihar Sakkwato.
Aminiya ta rawaito cewa Maharan sun kashe mutum shida a kauyen Bare, daya kuma a Kagara, suka sace mutum biyar, ciki har da wani magidanci da matansa biyu a kauyen Faji, sannan suka wawushe kaya da ba a san iyakarsu ba a shagunan jama’a.
Yankunan da aka kai wa harin sun hada da, Bare, Kagara, Kojiyo a Karamar Hukumar Goronyo da kuma kauyen Faji a Karamar Hukumar Sabon Birni.
Da yake tabbatar da harin, Shugaban Karamar Hukumar Goronyo, Abdulwahab Goronyo, ya ce ’yan bindigar sun yi awon gaba wasu mutum biyar da dabbobi a kauyukan.
A cewarsa, an kai harin ne a ranar Laraba da yamma.
Da aka tuntubi kakakin Rundunar ’Yan Sandan Jihar Sakkwato, DSP Sanusi Abubakar, amma ya ce ba shi da labari, amma ya yi alkawarin samun cikakken bayani.
“Sai Kana Raye Za Ka Iya Ba Da Rahoton Abin Da ke Faruwa ” — Abbas Ibrahim Ya Gargaɗi ‘Yan Jarida
Gwamnatin Kano Ta Umarci Masu Talla Da Masu Sana’ar Jari Bola Su Bar Karkashin Gadar Tal’udu
Yan Bindiga Sun Hallaka Kanal Din Soja A Gidansa Da Ke Abuja
Gwamnati Ta Na Taimakawa Wajen Ta’azzara Matsalar Tsaro —Tsohon sufetan ƴan sandan Najeriya Mike Okiro
INEC Ta Ce Ba Za Ta Ƙara Wa’adin Rajistar Masu Zaɓe Ba
Hukumar Kula Da Harkokin Shari’a Ta Tilasta Wa Alƙali Ritaya Kan Zargin Karɓar Cin Hancin Naira 250,000 A Kano
Jigawa: Sama da Gine-gine 200 Sun Lalace Sakamakon Iska Da Ruwan Sama Mai Ƙarfi
Wasu Fusatattun Matasa Sun Hallaka Wani Mutum Tare Da Kona Gawarsa Kan Zargin Satar Babur A Kano
Wata Mota Ta Faɗa Cikin Kogin Mayo-Ine A Ngurore
