News
An Ragargaza Baburan ’Yan Acaba 476 Da Aka Kwace A Abuja
Hukumar Babban Birnin Tarayya Abuja (FCTA) a ranar Laraba ta ragargaje baburan da ta kwace daga hannun ’yan acaba kimanin 476.
Hukumar ta kuma sha alwashin ci gaba da nuna ba sani ba sabo a kan tabbatar da bin dokar hana acaba a birnin, duk kuwa da irin hare-haren da ta ce ana kai wa jami’anta.
Daraktan Sashen da ke Kula da Hanyoyi na hukumar, Abdullateef Bello ne ya sanar da hakan lokacin da ya jagoranci ragargaza baburan a unguwar Area 1 da ke Garki a birnin.
Ya kuma lashi takobin cewa za su ci gaba da aikin lalata baburan matukar masu amfani da su suka ci gaba da yin kunnen uwar shegu da dokar.
Daily Trust ta ruwaito cewa ya bukaci sauran al’ummar gari da su taimaka wa hukumar a kokarinta na tabbatar da cewa ana ci gaba da bin dokar sau da kafa.
Shi ma da yake jawabi, Babban Hadimin Ministan Abuja a ka sa’ido, duba aiki da tabbatar da bin doka, Ikharo Attah, wanda ya duba aikin lalatawar, ya ce suna nan tsaye a kan bakarsu ta ci gaba da aikinsu matukar masu karya dokar ba su daina ba.
Ya kuma nuna mamakinsa kan yadda duk da gargadin da aka sha yi ta kafafe daban-daban, da kuma yadda aka lalata babura sama da 1,000 cikin ’yan watannin da suka gabata, har yanzu mutane ke ci gaba da yin kasadar kai baburan wuraren da aka haramta
An Yi Wa Fitacciyar Mawakiyar Iran Bulala 74 Saboda Waka Ba Tare Da Hijabi Ba
Waiya Da Muhammad Garba: Wane Ne Ya Fi Cancanta Wajen Jagorantar Harkokin Yaɗa Labarai A Kano?
Ana Zargin Fashewar Bam A Kasuwa A Legas
Amurka Ta Dakatar Da Takunkumin Man Fetur Kan Iran
Manchester United Ta Mallaki Filin Gina Sabon Filin Wasa Mai Daukar Mutane Dubu Dari
Cutar Kwalara Ta Hallaka Akalla Mutum 74 A Borno
ICPC Ta Yi Barazanar Daurin Shekaru 7 Ga Masu Yiwa Baki Rajistar NIN A Matsayin Yan Najeriya
Jam’iyyar ADC Ta Yi Watsi Da Cire Ta Daga Rijista, Ta Sha Alwashin Kalubalantar Hukuncin Kotu
Hayar Jirage Hadi Sirika Ya Dakko Daga Habasha Don Damfarar Yan Najeriya Da Sunan “Nigeria Air” — Shaida
