News
Babban Bankin Kasa CBN Ya Musanta Rahotannin Karancin Kudade A Bankuna
DAGA MUHAMMAD MUHAMMAD ZAHRADDIN
Babban bankin Najeriya CBN ya musanta rahotannin da ke cewa ana fama da karancin kudi a bankuna, injinan cirar kudi na ATM, wuraren POS, da kuma kasuwar canjin kudade a wasu manyan biranen kasar.
Daraktan Sadarwa na CBN, Isa AbdulMumin ne ya musanta rahoton a cikin wata sanarwa a ranar Alhamis.
Shugaban Kungiyar Hamas Ta Zargi Israila Da Aikata Kisan Kiyashi A Gaza
AbdulMumin ya ce ana ganin karancin kudi a wasu wurare na faruwa ne saboda yawan kudaden da ake cirewa daga rassan bankin CBN ta bankunan ajiya da kuma turuwar da kwastomomi ke yi wajen cire kudi daga na’urar ATM.
“Yayin da muka lura da damuwar ‘yan Najeriya kan yadda ake samun tsabar kudi domin hada-hadar kudi, muna so mu tabbatar wa jama’a cewa akwai isassun takardun kudi na ayyukan tattalin arziki a kasar nan.
“Sassan bankin na CBN a fadin kasar nan kuma suna aiki don tabbatar da cewa an samu raguwar kudaden a jihohinsu na aiki,” inji shi
Don haka ya bukaci jama’a da su kiyaye kada a firgice saboda akwai isassun jari don saukaka harkokin tattalin arziki.
“An kuma shawarci ‘yan Najeriya da su rungumi wasu hanyoyin biyan kudi, wanda zai rage matsin lamba kan amfani da tsabar kudi,” in ji shi.
A wani labarin kuma Shugaban Kungiyar Hamas Ta Zargi Israila Da Aikata Kisan Kiyashi A Gaza
Gwamnatin tarayya ta ce yanzu haka shirye-shirye sunyi nisa domin sauya akalar motoci har milyan 10 masu amfani da man fetir zuwa amfani da Gas nan da watanni 36 masu zuwa.
Karaminin ministan Mai, Ekperikpe Ekpo ne ya baiyana haka a yayin baje kolin mai da iskar gas na shekarar bana wanda ake gudanarwa a birnin Abu Dhabi na hadaddiyar daular larabawa.
A wata sanarwa da kakakinsa Louis Ibah ya fitar, ya baiyaan cewar a yanzu haka anyi kawance da kanfanoni masu zaman kansu domin kawo kayayyakin da za’a yi amfani dasu wajen sauya akalar motocin nan da watanni 9 masu zuwa.
Ya ce matakin wani yunkuri ne na inganta yin amfani da Gas a tsakanin motocin kasar a maimakon Man fetir da suka dogara dashi.
Uwa Da Danta Sun Rasu A Hatsarin Mota Yayin Shirye-Shiryen Tafiya Aikin Hajji A Kano
JAMB Ta Fitar Da Sakamakon jarabawar UTME Na Ranar Litinin
Wata Mahaifiya Ta Mutu A Wajen Da ‘Yarta Ke Rubuta Jarrabawar JAMB
JAMB Ta Saki Sakamakon Ɗalibai Miliyan 1.9
An Haramta Wa ‘Yan Kabilar Igbo Nadin Sarautar Gargajiya A Kasashen Waje
Muhimmancin sada zumunci – Malam Jafar
“Azumin Sitta Shawwal: Fa’idodi, Sharudda, Da Muhimmancinsa A Musulunci”
Gwamnatin Tarayya Ta Fitar Da Sunan Mutum 48 Da Ake Zargi Da Ɗaukar Nauyin Ta’addanci
JIGAWA: Uba Ya Fasa Aurar Da ‘Yarsa Ga Wani Saurayi Saboda Goyon Bayan Tinubu
