Magoya Bayan Jam’iyyar Labour Party Sun Gudanar da Zanga-Zanga a Ofishin INEC

DAGA KABIRU BASIRU FULATAN 

Wasu ’ya’yan jam’iyyar Labour a jihar Imo, a ranar Litinin din da ta gabata, sun gudanar da zanga-zanga a sakatariyar hukumar zabe ta kasa da ke Owerri, babban birnin jihar, saboda jinkirin da aka samu na fitar da gaskiyar kwafin takardar sakamakon zaben gwamna da aka kammala a jihar.

Shugaban jam’iyyar LP a jihar, Calistus Ihejiagwa, wanda ya jagoranci ‘yan adawa da suka fusata, ya zargi INEC da kokarin hana jam’iyyarsa kalubalantar sakamakon zaben watan Nuwamba.

Ambaliyar Ruwa Ta Yi Sanadiyyar Rasa Raukan Mutane 50 a Somaliya

‘Yan jam’iyyar LP, wadanda suka rera wakokin hadin kai, sun baje kwalaye masu dauke da rubuce-rubuce daban-daban kamar, ‘Bai kamata INEC ta nuna son zuciya ba’, ‘INEC ta jinkirta shari’ar an hana adalci’, ‘INEC ta saki CTC’, ‘INEC ta zama mai cin gashin kanta’ da dai sauransu.

Da yake magana da manema labarai a hedikwatar INEC ta Imo, shugaban LP ya ce sakamakon da INEC ta bayyana ba shi ne ainihin abin da ya faru a rumfunan zabe ba.

Ihejiagwa wanda ke kan keken guragu ya ce INEC da jami’an tsaro da ake zargin sun hada baki da ‘ya’yan jam’iyyar APC don yin magudi a zaben.

Ya ce jam’iyyarsa a shirye take ta kalubalanci sakamakon zaben a kotu amma ana zargin ma’aikatan INEC da yin amfani da dabarun jinkiri da nufin hana jam’iyyar kalubalantar sakamakon zaben a kotun sauraron kararrakin zabe.

“Shugaban Hukumar Zabe Mai Zaman Kanta ta Kasa, Farfesa Mahmood Yakubu, Kwamishinan Tarayya mai wakiltar Kudu maso Gabas, Ken Ukaogu, da Kwamishinan Zabe na Jihar, Farfesa Sylvia Agu, sun ki sakin CTC bayan kwanaki tara.

“Mun zo nan da yammacin yau ne domin duniya baki daya ta ji muryarmu cewa INEC na bata mana rai, ta hanyar amfani da wasu dalilai na fasaha wanda jinkirin da aka samu daga ofis daya ne.”

Da yake mayar da martani, shugaban sashen ilimin masu kada kuri’a da dabaru na INEC, Emmanuelle Opara, ya ce tuni INEC ta amince da karbar takardar neman zaben jam’iyyar na gaskiya na zaben gwamnan da aka gudanar a ranar 11 ga Nuwanba