News
Gwamnatin Tarayya Ta Kara Wa Ma’aikata Albashi
DAGA YASIR SANI ABDULLAHI TUKUNTAWA
Gwamnatin Tarayya ta amince da karin albashin ma’aikata daga kashi 25 zuwa 35 na ma’aikatan tarayya.
Tsarin albashin ya hada da ma’aikata (CONPSS), albashin cibiyoyin bincike (CONRAISS), albashin ‘yansanda (CONPOSS), albashin sojoji (CONPASS) da sauransu.
Idan dai ba a manta ba, tuni wadanda ke cikin manyan makarantun harkokin kiwon lafiya suka samu karin albashinsu da sauran ma’aikatan Jami’o’i.
Kwalejojin kimiyya da fasaha da na ilimi, karin albashinsu na karkashin tsarin CONOCASS.
Sashen kiwon lafiya, su sun samu tagomashin karin albashin a tsarin CONMESS.
Wata sanarwa mai dauke da sa hannun babban jami’in yada labarai na hukumar kula da albashin ma’aikata ta kasa (NSIWC), Emmanuel Njoku, a ranar Talata, ta ce karin albashin zai fara aiki ne daga ranar 1 ga watan Janairun, 2024.
Gwamnatin Tarayya ta kuma amince da karin kudin fansho daga kashi 20 zuwa 28 ga masu karbar fansho, wanda zai fara aiki daga ranar 1 ga watan Janairun, 2024.
Leadership ta ruwaito cewa Sanarwar na zuwa ne a jajibirin ranar ma’aikata ta 2024.
MTN Ya Sanar Da Dakatar Da Tsarin Bayar Da Rancen Kati Da Data
Karo Da Tsuntsaye Ya Tilastawa Jiragen Sama Biyu Saukar Gaggawa A Abuja
Wani Mutum Ya Riga Mu Gidan Gaskiya Biyo Bayan Daɓa Masa Wuƙa Saboda Naira 200
RAHOTO: Hare-Haren Dakarun Sojin Sama Sun Hallaka Fararen Hula Sama Da 400 A Najeriya Cikin Shekara 12
Sama Da Dalibai Miliyan Biyu Ne Za Su Rubuta Jarabawar JAMB Ta Bana
Muhimmancin sada zumunci – Malam Jafar
“Azumin Sitta Shawwal: Fa’idodi, Sharudda, Da Muhimmancinsa A Musulunci”
Gwamnatin Kano Ta Sanar Da Ranakun Komawa Makaranta
Gwamnatin Tarayya Ta Fitar Da Sunan Mutum 48 Da Ake Zargi Da Ɗaukar Nauyin Ta’addanci
