News
Gwamnatin Kano Ta Bankado Ma’aikatan Bogi 247, Ta Karɓo Sama Da Naira Miliyan 27
Gwamnatin Jihar Kano ta ce ta gano wasu kura-kurai masu girma a tsarin biyan albashi, ciki har da ma’aikata 240 da ke karɓar albashi sau biyu.
Dakta Sulaiman Wali Sani, mashawarcin musamman ga gwamna kan harkokin ma’aikata kuma shugaban kwamitin gudanarwa na tsaftace tsarin albashi, ne ya bayyana hakan yayin wata hira da manema labarai a Kano.
Gwamnatin Kano Ta Bankado Ma’aikatan Bogi 247, Ta Karɓo Sama Da Naira Miliyan 27
Dakta Sani, wanda ya wakilci Sakataren Gwamnatin Jihar (SSG) a taron, ya ce wannan bincike na daga cikin matakan da gwamnati ke dauka domin gyara da inganta tsarin biyan albashi a jihar.
Ya bayyana cewa binciken ya samo asali ne daga wani aikin tantance ma’aikata da kuma aikin kwamitoci guda biyu da aka kafa, musamman domin duba yadda ake biyan albashin ma’aikatan kananan hukumomi.
Baya ga ma’aikatan da ke karbar albashi sau biyu, Dakta Sani ya kara da cewa ma’aikata 1,335 sun kasa gabatar da bayanan da ake bukata domin tantance su har fiye da watanni shida, lamarin da ke kara jefa shakku kan sahihancin sunayensu a cikin tsarin biyan albashi na gwamnati.
Ya ce gwamnatin jihar za ta ci gaba da aikin tsaftace tsarin domin tabbatar da cewa kudi na gwamnati ba su ci gaba da zubewa a hannun wadanda ba su cancanta ba.
MTN Ya Sanar Da Dakatar Da Tsarin Bayar Da Rancen Kati Da Data
Karo Da Tsuntsaye Ya Tilastawa Jiragen Sama Biyu Saukar Gaggawa A Abuja
Wani Mutum Ya Riga Mu Gidan Gaskiya Biyo Bayan Daɓa Masa Wuƙa Saboda Naira 200
RAHOTO: Hare-Haren Dakarun Sojin Sama Sun Hallaka Fararen Hula Sama Da 400 A Najeriya Cikin Shekara 12
Sama Da Dalibai Miliyan Biyu Ne Za Su Rubuta Jarabawar JAMB Ta Bana
Muhimmancin sada zumunci – Malam Jafar
“Azumin Sitta Shawwal: Fa’idodi, Sharudda, Da Muhimmancinsa A Musulunci”
Gwamnatin Kano Ta Sanar Da Ranakun Komawa Makaranta
Gwamnatin Tarayya Ta Fitar Da Sunan Mutum 48 Da Ake Zargi Da Ɗaukar Nauyin Ta’addanci
