Zaben Shelars Ta 2027: Shin Shugaba Tinubu Zai Yuwu Ya Iya Magance Tabarbarewar Tattalin Arziki Da Kalubalen Tsaro a Najeriya?  — By Abbati Bako

A duniyar yau, batun da ya fi daukar hankalin shugabanni a kusan kowace kasa (ko a kasashe masu tasowa ko kasashen da suka ci gaba a duniya shine (sau biyu a cikin watanni biyu anyi yunƙurin halaka tsohon shugaban Amurka Donald Trump wannan misali ne mai kyau akan cewar akwai matsalar tsaro a duniya) tabbatar da tabarbarewar tattalin arziki, da Kalubalen tsaro a duniya.

Waɗannan ƙalubalen sun bayyana abubuwa kamar hauhawar farashin kayayyaki, rashin aikin yi, ƙarancin samar da kayyayaki na rayuwa a masana’antu sakamakon tabarbarewar tattalin arziki da kuma tsaro.

Kwamitin SHCSS Ya Horar Da Ma’aikatan Lafiya Kan Yadda Ake Ƙiyasin Magunguna

Tambayar ta kasance: shin waɗannan matsalolin da yawan jama’a ne yake haifarwa a duniya, ko kuma rashin iya shugabanci ne? Musamman a Kudancin duniya), ko kuma gazawar masu tsara manufofin duniya don magance su?

Kamar yadda aka nanata a cikin wannan rubutu, tattalin arziki shine tushen rayuwar dan adam, kuma dan Adam shine tushen tafiyar da harkokin tattalin arziki.

A zahiri, tattalin arziki shine komai na rayuwar dan adam a ko ina a duniya. Don haka, ta yaya za a sake fasalta mu’amalar tattalin arzikin duniya don tabbatar da bunkasuwar tattalin arziki da bunkasuwa, musamman a yankin kudancin duniya?

1. Nazarin yiwuwar shari’ar sauye-sauyen tattalin arziki:

Misali idan tsarin tattalin arzikin Neoliberal (tsari tattalin arziki irin na yammacin turai) ya gaza kawo wani buri na bunkasar tattalin arziki cikin sauri wanda zai magance matsalar ci gaban tattalin arziki da ci gaba musamman a kudancin duniya to masana a fannin cudanya da tattalin arzikin duniya ya kamata su fito da hanyar da za ta magance matsalar duniya na tattalin arziki.

Yanayin tattalin arziki yana narkewa. Ma’ana ya kamata a maye gurbin batun tsarin tattalin arziki irin na “Washington Consensus”. Don haka, ya kamata a yi la’akari da Ijma’in na taron da akayi a Beijing a China na 2004; Kasar Sin babbar misali ce ta wannan girmamawa da hangen nesa yayin da ta zama kasa ta biyu mafi karfin tattalin arziki a duniya cikin shekaru arba’in da suka gabata kuma har yanzu tana ci gaba da bunkasa.

2. Fahimtar masana daga masana tattalin arziki da masu tsara manufofi a duniya:

Dole ne a tattaro wata tawaga ta bangarorin siyasa da tattalin arziki na kasuwa da kuma masu tsara manufofi daga nahiyoyi daban-daban na duniya domin hada kawunansu wuri guda don nemo mafita mai kyau kan halin da ake ciki na tabarbarewar tattalin arzikin duniya musamman a kudancin duniya.

3. Abubuwan da za a iya magance su, kamar:

Manufofin tattalin arziki da suka haɗa da ci gaban tattalin arzikin noma da bunƙasa ilimi, haɓaka ma’aikatu da tsarin kiwon lafiya.

4. Haɗin kai da kasuwanci na yanki:

Akwai buƙatar haɗin gwiwar yanki kan kasuwanci, ayyuka da sauran ayyukan tattalin arziki. Misali kamar a yankin yammacin Afirka. Tarayyar Turai misali ne mai kyau na haɗin gwiwar siyasa da tattalin arziki.

5. Ingantacciyar shugabanci da iya aiki:

Matsayin kungiyoyin duniya da hadin gwiwar kasa da kasa wajen tunkarar wadannan kalubale na tattalin arziki na iya ba da taimako ga Najeriya da sauran kasashen kudancin duniya. Watakila ziyarar da shugaban Najeriya Bola Timubu ya kai China da Birtaniya a baya-bayan nan na iya samar da mafita cikin gaggawa kan halin da tattalin arzikin kasar Najeriya ke ciki wanda ya haifar da tabarbarewar tattalin arziki da rashin zaman lafiya da kuma kalubalen tsaro a Najeriya.

6. Wane misalin nasarorin da wasu al’ummomi da kuma kasashe suka samu a cikin shekaru biyu zuwa uku a duniya?

Zamu ci gaba Insha’Allah

abbatibako@gmail.com

15 ga Satumba, 2024

+2349077889959