CDE, KANSIEC Sun Shirya Taron Masu Ruwa Da Tsaki Akan Zaben Kananan Hukumomi

DAGA YASIR SANI ABDULLAHI

Kungiyar Citizens for Development and Education (CDE) tare da hadin gwiwar hukumar zabe mai zaman kanta ta jihar Kano (KANSIEC) sun shirya wani taro domin wayar da kan mutane da masu ruwa da tsaki kan yadda za a gudanar da zaben kananan hukumomi a jihar.

Taron wanda ya gudana a yau Laraba a cibiyar nazarin dimokuradiyya ta Aminu Kano ya samu halartar sarakunan gargajiya daban-daban da ke wakiltar kungiyoyin kabilu daban-daban, da malamai, da kuma kungiyoyin farar hula.

Shugaba Tinubu ya kori ministocin sa 5

Da yake karin haske kan ma’anar taron, Babban Daraktan CDE, Ambasada Ibrahim Waiya ya jaddada cewa, an shirya taron ne a matsayin wani bangare na ayyukan zabe domin wayar da kan jama’a, game da zaben kananan hukumomi da ke tafe.

“Har ila yau, babu wata kotu da ta hana majalisar gudanar da zabuka, kuma ko da shugaba ko babu, majalisar za ta iya ci gaba da gudanar da zabukan, domin akwai sauran ma’aikata.

Waiya ya kuma yi kira ga ‘yan kanawa da su yi zaben ta hanyar zaben wakilansu gari.

Shugaban taron Farfesa Hafiz Abubakar ya jaddada cewa zaben Kananan Hukumomin na da muhimmanci ga jihar kuma hakkin jama’a ne su kada kuri’unsu a matakin kananan hukumomi.

Da yake magana kan shirye-shiryen zaben LG, Farfesa Sani Lawal Malumfashi ya bayyana cewa KANSIEC tana da hurumin tsara zabe, gudanar da zabukan da kuma bayyana sakamakon zabe.

“Mun kuma yi hulda da ‘yan jarida, shugabannin siyasa, da hukumomin tsaro ta hanyar shirya taron tsaro na hadin gwiwa kan Zaben Kananan Hukumomi.

“Tun da farko mun ba da umarnin kotu na hana duk wata kungiya ko wani mutum shishigi a harkokin KANSIEC ko hana zabe.

“Kokarin dakatar da zabe a Kano wani yunkuri ne na zamani da kuma dakatar da tallafin da ake baiwa Kananan Hukumomi