Shugaba Tinubu ya kori ministocin sa 5

DAGA YASIR SANI ABDULLAHI

A ranar Laraba ne shugaban kasa Bola Tinubu ya kori ministocinsa biyar.

Hakan na kunshe ne cikin wata sanarwa da mai ba shugaban kasa shawara na musamman kan kafafen sadarwa na zamani, Dada Olusegun, ya fitar ranar Laraba.

DA DUMI-DUMI :Shugaba Tinubu Ya Soke Ma’aikatu Biyu

Shugaban kasar ya kori Uju-Ken Ohanenye a matsayin ministar harkokin mata; Lola Ade-John a matsayin ministar yawon bude ido; Tahir Mamman a matsayin Ministan Ilimi; Abdullahi Gwarzo a matsayin karamin ministan gidaje da raya birane; da Jamila Ibrahim a matsayin ministar ci gaban matasa.